د مخابراتو او معلوماتي ټکنالوجۍ وزارت سرپرست د ایران اسلامي جمهوریت له سفیر سره وکتل

naweed_admin
دوشنبه ۱۴۰۱/۷/۱۸ - ۱۲:۱۶
دیدار سفیر ایران با وزیر مخابرات

د مخابراتو او معلوماتي ټکنالوجۍ وزارت سرپرست الحاج مولوي نجیب الله حقاني او کابل کې د ایران اسلامي جمهوریت سفیر ښاغلي بهادر امینیان او راغلي پلاوي تر منځ د دوه اړخیزو همکاریو په موخه ګډه ناسته وشوه.

د غونډې په پیل کې د مخابراتو او معلوماتي ټکنالوجۍ وزارت راغلي پلاوي ته ښه راغلاست وویل او د دواړو هېوادونو د ښه ګاونډیتوب او حسنه اړیکو پر اهمیت یې رڼا واچوله او په تېر یوه کال کې یې د سکټوري لاسته راوړنو او د افغانستان د اسلامي امارت پر عمده لاسته راوړنو خبرې وکړې اړ همدا رنګه یې د وزارت ټولې برخې په مختصر ډول راغلي پلاوي ته ورؤپېژندلې.

دغې لیدنه کې د ایران اسلامي جمهوریت سفیر ښاغلي بهادر امینیان او مل پلاوي یې تیاری وښود چې دوی لېواله دي په بېلابېلو برخو کې لکه د ظرفیت لوړونې، زده کړو، مخابراتو، افغانستان کې د معلوماتي ټکنالوجۍ او محصولاتو د تولید، د دواړو هېوادونو د ټکنالوجۍ برخې متخصصینو د دوه اړخیزو تجربو د شریکولو په برخو کې مرستې وکړي.

بهادر امینیان

د راغلي پلاوي له خبرو وروسته د مخابراتو او معلوماتي ټکنالوجۍ وزارت سرپرست وزیر الحاج مولوي نجیب الله حقاني د دوی له همکارۍ او ژمنو مننه وکړه او څرګنده یې کړه چې د دواړو هېوادونو منافعو ته په کتو سره مشترکه همکاري د دواړو لورو په ګټه ده او راغلي پلاوي څخه یې د ظرفیت لوړونې، د بنسټونو رغونې د تجهیزاتو د تولید او د نورو برخو سربېره افغانستان ته د بحر له لارې فایبر سره د نښلولو وړاندیز وکړ څو ایران هم وکولای شي د افغانستان د جغرافیوي موقعیت څخه په استفادې منځنۍ اسیا او جنوبي اسیا ته له ورته اسانتیاو برخمن شي.

مولوی نجیب الله حقانی

دغې ناسته کې د مخابراتو او معلوماتي ټکنالوجۍ وزارت تخنیکي او مسلکي معین ښاغلي پوهنیار احمد مسعود لطیف رای، د مخابراتو او معلوماتي ټکنالوجۍ وزارت تخنیکي مشاور ښاغلي عطام محمد یاري، د افغان پوسټ محترم رییس رحمت الله مکي، د اټرا ادارې ښاغلي رییس سید برات شاه آغا ندیم او د وزارت یو شمېر مسلکي او تخنیکي پرسونل هم ګډون درلود.

تازه خبرونه

یکشنبه ۱۴۰۲/۱۲/۱۳ - ۱۴:۵۰
Background image

د روشن مخابراتي شرکت مسؤلینو د مخابراتو او معلوماتي ټکنالوجۍ وزارت له وزیر سره لیدنه وکړه

په ۲۳ هېوادونو کې د اکفیډ ( د آغا خان د پرمختیايي صندق ) مشر لطف کسم او مل پلاوي یې د مخابراتو او معلوماتي ټکنالوجۍ وزارت له...

یکشنبه ۱۴۰۲/۱۲/۱۳ - ۹:۱۰
Background image

په پکتيکا ولايت مرکز ښرنې ښار کې د اتصالاتو مخابراتي شرکت د پېرودونکو خدمتونو څانګه پرانېستل شوه

د مخابراتو او معلوماتي ټکنالوجۍ وزارت او د پکتیکا ولایت د مخابراتو او معلوماتي تکنالوجۍ ریاست په ګډو...

پنجشنبه ۱۴۰۲/۱۲/۱۰ - ۱۰:۶
Background image

د ام ټي ان او ام ون مخابراتي شرکتونو مسوولینو د مخابراتو او معلوماتي ټکنالوجۍ وزیر سره لیدنه وکړه

د مخابراتو او معلوماتي ټکنالوجۍ وزیر محترم الحاج مولوي نجیب الله حقاني د ام ټي ان او ام ون مخابراتي...

بېرته خبرونه ته