د افغانستان دیجتل کاسا پروژه

ډيجټل کاسا پروژوه

ډيجټل کاسا د مخابراتو او معلوماتي ټکنالوجۍ وزارت یوه له مهمو پروژو څخه ده چې په کال ۲۰۱۹ کې پیل او د ۲۰۲۳ پوري به  دوام ومومی.

د ډيجیټل کاسا پروژې تر چتر لاندې د نوري فایبر شبکه د افغانستان له لارې د مرکزي اسیا څخه جنوبي اسیا ته پراختيا پيدا کوي، دغه پروژه په سیمه کې افغانستان د نوري فایبر پر ترانزيتی هب بدلوي.

 ددی پروژې په پلي کیدو  باندې ۵۱ میلیونه امریکايي ډالر لګښت راځي چې د نړيوال بانک له لوري ورکول کيږي.

د پروژې موخې:

  • د نوري فایبر شبکې حلقوی رینګ تکمیلیدل او د نورو فایبر شبکې سره  د هېواد د ۹ ولایتونو مرکزونو وصلول.
  • د هېواد په کچه د انټرنیت د بیو راټيټول.
  • د مخابراتو او معلوماتي ټکنالوجۍ په برخه کې خصوصي سکتور پانګې اچونې ته راجلبول.
  • د الیکترونیکي خدمتونو له لارې د دولتي ادارو وړتیا لوړول
  • د مخابراتو او معلوماتي ټکنالوجۍ د سکتور له پاره د مقرراتو، کړنلارو او پالیسو جوړول او بیا کتنه ددی پروژې د مهمو موخو څخه دی.

د پروژې مهمې برخې:

  •  د نوري فایبر د سیمه ایزې شبکې سره د داخلي شبکې نښلول.
  • الیکترونیکي حکومتوالي.
  • د مخابراتو او معلوماتي ټکنالوجۍ  د سکتور له پاره د مقراراتو، کړنلارو او پالیسو جوړول او کرکتنه.
  • د ظرفیت لوړول.

ددی پروژې په پلی کیدو سره لاندې موخې ترلاسه کيږي:

  • د نوري فایبر شبکې اوږدوالی د 4700 کیلومترو څخه 6200 کیلومترو ته زیاتيږي.
  • د نوري فایبر شبکې په برخه کې د خصوصي سکتور پانګونه 30 میلونو ډالرو ته لوړيږي.
  • د موبایل له لارې د یو جي بي انټرنيت بیه 1.5 امریکایی ډالر څخه 0.65 امریکایی ډالرو ته راټيټيږي.
  • د نوري فایبر شبکې د نښلیدو نقطې د ګاونډيو هېوادونو سره 10 لارو ته رسیږي.
  • د یو شمیر دولتي ادارو له پاره د نړیوال انټرنیت بنډویت پیرل.
  • د هر کس له پاره د نړیوال انټرنیټ چټکتیا د 1.2kbps څخه 10kbps  ته لوړیږي.
  • د نړيوال انټرنيت د يو Mbps بیه د 25  ډالر څخه 10  ډالرو ته راټيټيږي.
  • د هېواد په ۲۵ ولایتونو کې نیږدې ۲۵۰ دولتې ادارې د نوري فایبر د شبکې له لارې یو له بل سره نښلول کيږي.

 

 

For more information click here.