د مخابراتو او معلوماتي ټکنالوجۍ وزارت د دعوت او ارشاد ریاست نوی رئیس د وزارت کارکوونکو ته ورؤپیژندل شو
د مخابراتو او معلوماتي ټکنالوجۍ وزارت د وړاندیز او د ریاست الوزراء عالي مقام د منظورۍ له مخې ښاغلی شیخ الحدیث مولوي عنایت الرحمن د مخابراتو او معلوماتي ټکنالوجۍ وزارت د دعوت او ارشاد ریاست د رئیس په توګه د مخابراتو او معلوماتي ټکنالوجۍ وزارت د وزیر ښاغلي الحاج مولوي نجیب الله حیات حقاني له لوري د وزارت کارکوونکو ته معرفي او رسما یې خپله دنده پیل کړه.
دغې ناسته کې د مخابراتو او معلوماتي ټکنالوجۍ وزارت وزیر د دعوت او ارشاد ریاست نوي معرفي شوي رئیس ته په چارو کې د توفیق غوښتنه وکړه او همداراز وه یې ویل دنده امتیاز نه بلکې مسؤلیت دی او د وزارت ټول کارکوونکي او رییس صاحبان باید خپلې دندې په صحیح ډول سر ته ورسوي .
د یادونې وړ ده ښاغلی شیخ الحدیث مولوي عنایت الرحمن د عصري علومو تر څنګ په فقهې او قانون کې د تخصص تر کچې لوړې زده کړې لري او همدا راز په تدریسي او علمي برخه کې اوږده تجربه او د کار کولو ویاړ لري.
دغې ناسته کې د دعوت او ارشاد نوي رئیس ښاغلي شیخ الحدیث مولوي عنایت الرحمن د مخابراتو او معلوماتي ټکنالوجۍ وزارت له رهبرۍ مننه وکړه چې نوموړی یې د یاد بست لپاره مناسب ګڼلی او دغه بست لپاره یې د ریاست الوزراء عالي مقام ته د منظورۍ په موخه وړاندیز کړی، د نوموړي په وینا ورسپارل شوې دنده به د وزارت اړوندو ریاستونو سره په همغږۍ او په پوره اخلاص او صداقت مخې ته وړي.
