ملاتړي بنسټونه:
د مخابراتو او معلوماتي ټکنالوژۍ وزارت د لاندې سازمانونو له خوا تمویليږي.
د (USTDA) یا امریکا متحده ایالاتو د سوداګرۍ او پراختیا څانګه
دغه نړیوال بنسټ د نوري فایبر پروژې، تخنیکي او سوداګریز امکانات څېړي او د دغې پروژې په تخنیکي او زیانمنو برخو کې مرسته او ملاتړ کوي.
د ایران اسلامي جمهوریت:
ایران دولت، په افغانستان کې د مخابراتو او معلوماتي ټکنالوژۍ انستیتیوت (ICTI) په بیا رغونه کې 4.035 میلیونه ډالر مرسته کړې ده.
هندوستان:
هند دولت د افغانستان په ۱۱ ولایتونو کې د مخابراتي شبکې اضطراري رغونې له پاره ۱۴ میلیونه ډالر مرسته کړې، چې د دې پروژې له پلې کولو سره به د هیواد په ۱۱ ولایتونو کې شاوخوا ۳۵۰۰۰ ګډونوال د ډیجیټلي سویچونو نښلولو او CDMA WLL سیسټم له لارې وصل شي.
نړیوال بانک، د مخابراتو او معلوماتي ټکنالوژۍ پراختیا پروژه
نړیوال بانک د مخابراتو او معلوماتي ټکنالوژۍ له پاره، د مناسب چاپیریال رامېنځته کولو او پراختیا په موخه له مخابراتو وزارت او اترا ادارې سره په پنځو کلونو کې ۵۰ میلیونه ډالر مرسته کړې ده.
دغې پروژې، د ۲۰۱۱ مېلادې کال له مې میاشتې څخه د ۲۰۱۶ میلادي کال د جون تر دېرشمې نېټې پورې دوام درلود.
د مخابراتو نړیواله ټولنه: (ITU)
د دغې نړیوالې ټولنې کارپوهان به، د مخابراتو او معلوماتي ټکنالوژۍ وزارت له مسوولو اړخونو سره یو ځای، د قوانینو او پالیسیو جوړولو، د څارنې معیاري ټیم رامېنځته کولو، ځینو پروژو له پاره د معیاري اسنادو جوړولو او وزارت د کارکوونکو له پاره د لسګونه ښوونیزو سیمینارونو جوړولو په برخه کې مرسته کوي.
د ملګرو ملتونو پراختیا پروګرام: (UNDP)
د غه بنسټ د هېواد مخابراتي سکټور په برخه کې د بېلابېلو پروژو لکه: د مخابراتي او معلوماتي ټکنالوژۍ مرکزونو: (ICT Centers) د معلوماتي ټکنالوژۍ او مخابراتو ملي شورا: ICT Centers د معلوماتي ټکنالوژۍ او مخابراتو کلی: ICT Village ، د اطلاعاتو مرکز یا National Data Center او نورو برخو کې ملاتړ کوي.
د نړیوالې پراختیا په برخه کې د امریکا متحده ایالاتو څانګه یا USAID
له ۲۰۰۲ میلادي کال را په دېخوا USAID د ستراتیژيکو اسنادو جوړونې لکه (د نوري فایبر او افغان تلیکام پروژو امکاناتو سنجولو) په برخه کې د مرستې او ملاتړ په موخه لسګونه متخصیصان مخابراتو وزارت را لیږلي.
مایکروسافټ:
مایکروسافټ، د سافټ ویر په برخه کې یو له پرمختللو نړیوالو شرکتونو څخه دی، چې د هارډویر او سافټویر پرمختګ په برخه کې کار کوي.
دغه شرکت د وینډوز سیمه ایزه کېدو او معلوماتي ټکنالوژۍ په برخه کې، د نورو ښوونیزو پروګرامونو د ښوونې زمینه برابره کړې ده.
سیسکو اکاډمي:
دغه بنسټ د شبکې جوړونې یا نیټورکینګ په برخه کې د مخابراتو او معلوماتي ټکنالوژۍ وزارت متخصیصینو ته زده کړې ورکوي.
په کابل کې تر اوسه ۴۰۹ محصلینو په دریو برخو کې نوم لیکنه کړې ده، چې یوازینۍ موخه یې د معلوماتي ټکنالوژۍ پراختیايي فرصتونو او زده کړو ته د ښځو لاسرسی دی.