لوګر ولایت خروار ولسوالۍ کې د یوه مخابراتي سایټ له ودانیزو چارو څخه څارنه ترسره شوه
لوګر ولایت د مخابراتو او معلوماتي ټکنالوجۍ ریاست او ګډ تخنیکي ټیم له لوري د یاد ولایت خروار ولسوالۍ کې د افغان بیسیم مخابراتي شرکت د یوه سایټ د جوړېدو له بهیر څخه او همدارنګه د څرخ ولسوالۍ په خواجه غار زیارت کلي کې د افغان بېسیم مخابراتي شرکت له هغه سایټه څخه چې تازه له ۲جي نه ۴جي ته یې ظرفیت لوړ شوی وو څارنه ترسره شوه.
د دې څارنې په ترڅ کې ذکر شوي شرکت ته سپارښتنه وشوه چې یاد مخابراتي سایټ د قرارداد د شرایطو سره سم په معیاري ډول بشپړ کړي.
د مخابراتو او معلوماتي ټکنالوجۍوزارت ولایتي ریاستونه او نظارتي ټیمونه وخت په وخت د هېواد په ټولو برخو کې له مخابراتي چوپړ او د نویو مخابراتي سایټونو له جوړېدو څارنه ترسره کوي څو د خدماتو په وړاندې کولو او د نویو مخابراتي انټنونو جوړولو کې خنډ او ځنډ رامنځته نه شي.
