د مخابراتو او معلوماتي ټکنالوجۍ وزارت د اداري فساد پر وړاندې د مبارزې په برخه کې ټول فعالیتونه بشپړ کړي دي.

Alireza Khaliqyar
چهارشنبه ۱۳۹۸/۱/۷ - ۱۶:۴۷

https://mcit.gov.af/ps/%D8%AF-%D9%85%D8%AE%D8%A7%D8%A8%D8%B1%D8%A7%D8%AA%D9%88-%D8%A7%D9%88-%D9%85%D8%B9%D9%84%D9%88%D9%85%D8%A7%D8%AA%D9%8A-%D9%BC%DA%A9%D9%86%D8%A7%D9%84%D9%88%D8%AC%DB%8D-%D9%88%D8%B2%D8%A7%D8%B1%D8%AA-%D8%AF-%D8%A7%D8%AF%D8%A7%D8%B1%D9%8A-%D9%81%D8%B3%D8%A7%D8%AF-%D9%BE%D8%B1-%D9%88%DA%93%D8%A7%D9%86%D8%AF%DB%90-%D8%AF-%D9%85%D8%A8%D8%A7%D8%B1%D8%B2%DB%90-%D9%BE%D9%87-%D8%A8%D8%B1%D8%AE%D9%87-%DA%A9%DB%90-%D9%BC%D9%88%D9%84-%D9%81%D8%B9%D8%A7%D9%84%DB%8C%D8%AA%D9%88%D9%86%D9%87-%D8%A8%D8%B4%D9%BE%DA%93

د مخابراتو او معلوماتي ټکنالوجۍ وزیر محترم شهزاد آريوبی نن له غرمې مخکې د ارګ په چهارچنار ماڼۍ کې د افغانستان د اسلامي جمهوريت جمهور رئیس جلالتمآب محمد اشرف غني په مشرۍ  د قانون حاکميت د عالي شورا په جلسه کې ګډون وکړ.

په دې غونډه کې د اداري فساد پر وړاندې د مبازې ځانګړي سکرتريت په ۱۳۹۷ کال کې د فساد پر وړاندې د ملي سټراټيژۍ د پلي کولو راپور وړاندې کړ چې د مخابراتو او معلوماتي ټکنالوجۍ وزارت په دې کال کې د پنځه لومړيتوبونو پر اساس ۱ـ د روڼتيا په موخه د الکټرونيکي حکومتوالی پراختيا او ترويج، ۲ـ د عامه خدماتو د وړاندې کولو په برخه کې چټکتیا، روڼتيا او اسانتياوې رامنځته کول، ۳ـ د افغانستان په کچه د رڼو مخابراتي او انټرنټي خدمتونو وړاندې کول، ۴ـ د متخصصو افرادو ظرفيت لوړونه او جذب ۵ـ په اداره کې د روڼتيا او حساب ورکولو پیاوړتيا خپل پلان جوړ کړی.

همدا شان په دې کال کې  د فساد پر وړاندې د مبارزې پلان ۳۳ اساسي فعالیتونه تکمیل کړي.
د مخابراتو او معلوماتي ټکنالوجۍ وزارت د اداري فساد پر وړاندې په مبارزه کې جدي دی، د فساد پر وړاندې د مبارزې بنسټونو سره نږدې کاري اړيکې لري او هر کال د يوه با صلاحيته کمېټې تر چتر لاندې د اداري فساد پر وړاندې د مبارزې د ملي سټراټيژۍ سره سم خپل پلانونه  جوړوي او په هره ربع کې د اسنادو او ثبوت سره سم د پلان د تطبيق راپور چمتو کوي او اړوندو مراجعو سره يې شریکوي.