د اسان خدمت ادارې له مسئولینو سره نو بتي ناسته

د مخابراتو او معلوماتي ټکنالوجۍ وزارت سرپرست شهزاد آریوبي په کارونو کې د کلکې همغږۍ، ښې څارنې او ارزونې او همدارنګه د کارونو د چټکتیا په موخه د اسان خدمت ادارې له مسئولینو سره نوبتي ناسته درلوده. په دغه لېدنه کې سرپرست وزیر اسان خدمت پورې تړلیو کارونو په اړه د تیرو اونیو کړنو او لاسته راوړنو په اړه بشپړ راپور واوریده. په ناسته کې د اسان خدمت ادارې سرپرست عبدالهادي ذهین او نورو مسئولینو د انلاین پاسپورټ، د عوایدو نوي مرکز جوړولو، د موبایل له لارې د معاشونو د ورکړې پروژې او نورو اړوند مسائیلو په اړه شوي پرمختګونه او کړنې له سرپرست وزیر سره شریکې کړې. نوموړي د انلاین پاسپورټ، ظرفیت لوړونې، د عوایدو نوي مرکز جوړولو، د موبایل له لارې د معاشونو د ورکړې پروژې او نورو اړوند مسائېلو د کارونو پر چټکتیا ټنګار وکړ او په دې اړه یې مسئولینو ته لازمې سپارښتنې وکړې.