د Netzoon Telecom او Giganor ISP شرکتونه د افغانستان د انټرنټ تبادلې مرکز (NIXA) سره یوځای شول

Alireza Khaliqyar
سه‌شنبه ۱۳۹۷/۹/۲۷ - ۱۴:۴۶

https://tinyurl.com/227ttmsh

سه شنبه د لیندۍ ۲۷ مه ۱۳۹۷، د مخابراتو او معلوماتي ټکنالوژۍ وزارت د معلوماتو د امنیت ریاست سرپرست محترم محمد زاهد ستانکزی د وزارت د ناستو په تالار کې ددغه دوه شرکتونو د یوځای کیدو له پاره ددغه شرکتونو مالکانو سره هوکړه لیکونه لاسلیک کړل.
اوسمهال له ۶۰ شرکتونو چې په هیواد کې انټرنټي خدمتونه وړاندې کوي، ۱۲ یی له NIXA سره یوځای شوي دي او د پاتې شرکتونو د یوځای کیدو لړی روانه ده. ددغه لړی سرته رسیدو سره به انټرنټې خدمتونه لوړ کیفیت ولري، اغیزمن به تمام شي، او د انټرنټ بیه کې به د پام وړ کمښت را منځ ته شي.
د مخابراتو او معلوماتي ټکنالوژۍ وزارت همیشه کوښښ کوي چې د مخابراتو او معلوماتي ټکنالوژۍ خدمتونه په لوړ کیفیت په متوازن ډول او ارزانه بیه هیوادوالو ته وړاندې کړي.