د مخابراتو او معلوماتي ټکنالوجۍ وزارت د کارکوونکو لپاره د کار قانون تر سرلیک لاندې درې ورځنی سیمینار پای ته ورسید
په دې درې ورځنی سیمینار کې چې د دولتي کارمندانو د کاري او اداري ظرفیت لوړولو په موخه د کار او ټولنیزو چارو وزارت له لوري جوړ شوی و د مخابراتو او معلوماتي ټکنالوجۍ وزارت بېلابېلو ریاستونو ۳۵ تنو کارمندانو ته د کار او ټولنیزو چارو وزارت کارپوهانو له خوا د عمومي حکمونو، استخدام او د کار قرارداد، د کار وخت، د استراحت او رخصتۍ حق، معاش، د کارکوونکو مسلکي روزنې او د مهارتونو پراختیا، د کار معیارونو او لارښوونو، کاري ډسپلین، مالي مسؤلیتونو، د کار د روغتیايي او خوندیتوب شرایط، د ښځو او ځوانانو کار، د کار له امله رامنځته شويو شخړو او ټولنیزو تامیناتو په برخو کې معلومات ورکړل شول.
د یادونې وړ ده چې د دغه ښوونيز سيمينار په پای کې ګډونوالو ته تصدیق لیکونه ورکړل شول.
دسیمینار ګډنوالو د مخابراتو او معلوماتي ټکنالوجۍ او کار او ټولنيزو چارو وزارتونو له دې اقدام څخه د مننې ترڅنګ غوښتنه وکړه چې په نورو مسلکي برخو کې هم ورته سيمينارونه په لاره واچول شي.
