د زابل ولایت په مرکز قلات ښار کې د سلام مخابراتي شبکې د څلورو مخابراتي سایټونو ظرفیت لوړ شو
د مخابراتو او معلوماتي ټکنالوجۍ وزارت د هدایت پر اساس، د زابل ولایت د مخابراتو او معلوماتي ټکنالوجۍ ریاست او د افغان ټیلی کام مخابراتي شرکت په ګډو هڅو د یاد ولایت په مرکز قلات ښار کې دڅلورو مخابراتي سایټونو انټرنېټي خدمتونه له ۳جي څخه ۴جي ته لوړ شول او ګټې اخیستنې ته وسپارل شو.
د نوموړي مخابراتي شبکی د ۴جي انټرنیټي خدمتونو په فعالیدو سره به د یاد ولایت مرکزاړوند سیمو اوسېدونکي وکولای شي لوړ کیفیت او چټک انټرنېټي خدمتونو ته لاسرسی ولري او خپلې مخابراتي او انټرنېټي ستونزې هوارې کړي.
د زابل ولایت مرکز قلات ښاراوسېدونکو د مخابراتو او معلوماتي ټکنالوجۍ وزارت د دغه اقدام ستاینه وکړه او د نوموړي ولایت د مخابراتو او معلوماتي ټکنالوجۍ ریاست، له هڅو یې خوښي څرګنده کړه.
