د ام ټي ان او ام ون مخابراتي شرکتونو مسوولینو د مخابراتو او معلوماتي ټکنالوجۍ وزیر سره لیدنه وکړه

naweed_admin
پنجشنبه ۱۴۰۲/۱۲/۱۰ - ۱۰:۶
Najeebullah Haqani

د مخابراتو او معلوماتي ټکنالوجۍ وزیر محترم الحاج مولوي نجیب الله حقاني د ام ټي ان او ام ون مخابراتي شرکتونو له مسؤلینو افغانستان کې د دوی پر خدماتو او ام ون شرکت ته د ونډو د لیږد په تړاو خبرې وکړې.

په دې کتنه کې پر بیلا بیلو موضوعاتو (ام ټي ان مخابراتي شرکت څخه ام ون مخابراتي شرکت ته د ونډو لیږد پروسې پر بشپړولو ، د مخابراتي خدمتونو د کیفیت د ښه والي، د افغانستان اسلامي امارت د قوانینو او اصولو مراعاتول) او نورو مهمو برخو خبرې اترې وشوې.

د غونډې پیل کې د مخابراتو او معلوماتي ټکنالوجۍ وزیر محترم الحاج مولوي نجیب الله حقاني راغلي پلاوي ته د ښه راغلاست ویلو ترڅنګ د افغانستان اسلامي امارت د قوانینو او اوصولو په چوکاټ کې د متقابلو همکاریو د دوام ټینګار وکړ.

همداراز د مخابراتو او معلوماتي ټکنالوجۍ محترم وزیر په کلکه غوښتنه وکړه چې د لیږد وروسته د ام ټي ان مخابراتي شرکت د کاري پرسونل د قانوني حقونو په برخو کې به ستونزې نه رامنځته کېږي او هیله یې څرګنده کړه چې ام ون مخابراتي شرکت به د خپلو خدمتونو د کیفیت په لا ښه والي او پراختیا په برخو کې د مخابراتو او معلوماتي تکنالوجۍ وزارت اټرا ادارې سره په همغږۍ لازم او اصولي اقدامات تر سره کړي.

شرکت مخابراتی ام تی ان

د یادو مخابراتي شرکتونو مسوولینو ډاډ ورکړ چې د افغانستان اسلامي امارت د اصولو او قوانینو په چوکاټ کې به خپلو خدمتونو ته دوام ورکوي، د ام ټي ان مخابراتي شرکت د کارکوونکو ټول حقوق به خوندي ساتي او د خپلو خدمتونو د کیفیت لوړوالي او پراختیا په برخه کې به لازم اقدامات ترسره کوي.

همداراز دوی لیوالتیا څرګنده کړه چې د مخابراتو او معلوماتي ټکنالوجۍ وزارت د فریکوینسیو د لیلام (آکشن) بهیر کې په فعال ډول ګډون کوي.

د یادونې وړ ده چې یادو مخابراتي شرکتونو مسوولینو د لیږد او مخابراتي خدمتونو د وړاندې کولو په برخه کې مخابراتي شرکتونو ته د مناسب چاپیریال په برابرولو کې د مخابراتو او معلوماتي تکنالوجۍ وزارت له مشرتابه مننه وکړه او د دوی همکاري یې په دې برخه کې ګټوره وبلله.

 

تازه خبرونه

سه‌شنبه ۱۴۰۳/۲/۴ - ۱۵:۳۸
Background image

د ریاست الوزراء سیاسي مرستیال د مخابراتو او معلوماتي تکنالوجۍ وزارت د اترا ادارې له عمومي رئیس سره ولیدل

د افغانستان داسلامي امارت د ریاست الوزراء سیاسي مرستیال محترم مولوي عبدالکبیر د مخابراتو او معلوماتي تکنالوجۍ وزارت د اترا ادارې له عمومي رییس...

یکشنبه ۱۴۰۳/۲/۲ - ۱۶:۵
Background image

د مخابراتو او معلوماتي ټکنالوجۍ وزارت د رهبري پلاوي غونډه ترسره شوه

د مخابراتو او معلوماتي ټکنالوجۍ وزارت رهبري پلاوي مجلس د یاد وزارت د سرپرست وزیر محترم الحاج مولوي نجیب الله حقاني په مشرۍ ترسره شو او د اجنډا مطابق...

چهارشنبه ۱۴۰۳/۱/۲۹ - ۱۶:۱۰
Background image

کابل ولایت کې د مخابراتي شرکتونو له انټرنټي سایټونو څخه څآرنه وشوه

د مخابراتو او معلوماتي ټکنالوجۍ وزارت او اترا ادارې له لوري په کابل ولایت کې د مخابراتي شرکتونو له انټرنټي سایټونو څخه د غیر اخلاقی انټرنټي سایټونو...

بېرته خبرونه ته