د افغانستان د ملي ډومین د ثبت اهمیت

۱-  ملي او محلي هویت:

د دات ای اف د ډومین درلودل د افغانستان د ملي هویت استازیتوب کوي او ستاسو ویب پاڼې سره مرسته کوي چې د افغانستان د ننه او بهر د ملي سوداګرۍ یا ادارې په توګه وپیژندل شي.

۲-  امنیت او څارنه:

د .af ډومین ثبتول د AfgNic عمومي مدیریت او د هغې د داخلي او بهرنیو استازو لخوا ترسره کیږي، او د AfgNic مدیریت ټول .af ډومینونه له نږدې څاري، چې دغه څارنه امنیتي خطرونه کموي.

۳-  د افغانستان د ملي ډومینونو د قواعدو او پالیسۍ مراعتول:

د   .af  ډومین کارول په دې معنی دی چې  تاسو د افغانستان د ډومین خدماتو د حمایت څخه برخمن کیږئ،  او د هر ډول حقوقي او قانوني ستونزو په مخنیوي کې به د افغانستان اسلامي امارت په ټول توان د احکامو او مقرراتو په پام کې نیولو سره ستاسې د سوداګرۍ ملاتړ کوي.

د ۲۰ یا ۲۵ ډالرو کلني فیس په ورکولو سره د خپل شرکت په نوم ډومین او رسمي بریښنالیکونه جوړ کړئ او د ملي او نړیوال اعتبار څخه برخمن شئ.