افغان ټېلېکام او سلام مخابراتي شبکه د پراختيا په حال کې
چهارشنبه ۱۳۹۷/۹/۲۱ - ۱۷:۲۵
د مخابراتو او معلوماتي ټکنالوجۍ وزارت مشرتابه، هېوادوالو ته د ښه خدماتو د وړاندې کولو لپاره تل د اړوندو مسؤولينو سره د هغوی د پلانونو او پروګرامونو په لازمې لارښوونې کوي.
د مخابراتو او معلوماتي ټکنالوجۍ وزیر محترم شهزاد آريوبي نن د ماليې وزارت د عوايدو معين عبدالله رقيبي، د مخابراتو وزارت مالي او اداري مرستيال ډاکټر محمد هادي هدايتي، د افغان ټېلېکام شرکت اجرائيوي رئیس اجمل عيان او ددغه شرکت اجرائيوي مسؤولينو په ګډون د افغان ټېلېکام د تېر يو کلن بهیر د لاسته راوړنو او فعالیتونه ارزونه وکړه.
افغان ټېلېکام د افغانستان د ملي او دولتي شرکت په توګه نه یواځې دا چې په تېر یو کال کې د جوتو اصلاحاتو شاهد وو، بلکې د عوايدو له پلوه يې هم د پام وړ پرمختګ کړی او په همدې موخه مو په راتلونکي کال کې، ددغه شرکت د پراختيا او خدماتو د کېفيت تر څنګ د انټرنېټ د بېو کمولو او د سلام شبکې د آنتنونو د زیاتېدو او پوښښ ساحې د پراختيا په اړه لازمې پرېکړې وکړې چې د نوي مالي کال د پېلېدو سره به د شرکت کارکوونکي هېوادوالو ته په کمه بیه د غوره خدماتو د وړاندې کولو لپاره پلانونه عملي کړي.
محترم آريوبي په دغه غونډه کې اړوندو مسؤولينو ته د هېواد په کچه د فعالیتونو د پراختيا، د انټرنېټ د بېو د کمښت او د نوري فايبر شبکې د توسعې په اړه لازمې لارښوونې وکړې.
