د مخابراتو او معلوماتي ټکنالوجۍ وزارت د تېرې یوې اوونۍ په لړ کې د ترسره شویو کړنو او راپورونو لنډیز
د مخابراتو او معلوماتي ټکنالوجۍ وزارت تېرې یوې اوونۍ کې د مخابراتو په برخه کې د هېواد ګڼو سیمو کې د نویو مخابراتي سایټونو د جوړېدو له کاري بهیر څخه څارنه کړې، کابل ولایت کې د مخابراتي شرکتونو د غیر اخلاقي سایټونو څخه څارنه تر سره شوې.
د مخابراتو او معلوماتي ټکنالوجۍ وزارت توانېدلی تېرې یوې اوونۍ کې د هېواد ګڼو ولایتونو کې د مخابراتو او معلوماتي ټکنالوجۍ ولایتي ریاستونو ښوونیزو مرکزونو څخه ګڼ شمیر زده کوونکي فارغ او ټولنې ته یې د خدمت په موخه وړاندې کړي، دمخابراتو او معلوماتي ټکنالوجۍ وزارت ولایتي ریاستونو د هېواد یو شمېر سیمو کې د مخابراتي خدمتونو څخه د بې برخو سیمو څخه لیدنه، څارنه او دیوشمیر نویو مخابراتي سایټونو د فعالیت د پیلولو افتتاح کړې.
د یادونې وړ ده چې د مخابراتو او معلوماتي ټکنالوجۍ وزارت د زندانونو چارو سمون ادارې سره د الکټرونیکي حاضرۍ د سیستم جوړونی او تطبیق په موخه هوکړه لیک هم لاسلیک کړی.
د مخابراتو او معلوماتي ټکنالوجۍ وزارت د تېرې یوې اوونۍ لاسته راوړنې په مسلسل ډول خپرې کړي او دلته په خلص ډول نشر ته سپارل کېږي.
