د مخابراتو او معلوماتي ټکنالوجۍ وزیر د کاناډا له سفیر سره وکتل

د مخابراتو او معلوماتي ټکنالوجۍ وزیر ښاغلي شهزاد اریوبي د خپل کار په دفتر کې د کاناډا هیواد له سفیر ښاغلي فرانکویس سره وکتل.

په دغه کتنه کې د مخابراتو او معلوماتي ټکنالوجۍ وزیر د کاناډا هیواد له مرستو چې په تیره یوه نیمه لسیزه کې یې د افغانستان سره کړي دي مننه وکړه.

همداراز ښاغلي آریوبي په افغانستان کې د مخابراتو او معلوماتي ټکنالوجۍ د پیاوړي کیدو په برخه کې د کاناډا هیواد د همکارۍ غوښتنه وکړه او یادونه یې وکړه چې د کاناډا سفارت څرنګه کولی شي په ټیلی میډیسن (Tele Medicine) برخه کې له افغانستان سره همکاري وکړي او د روغتیا په برخه کې د کار کوونکو ظرفیت لوړ او په نړیواله کچه برابر شي. 

د ټیلي میډیسن (Tele Medicine) په برخه کې ښاغلي سفیر معلومات وړاندې کړل او زیاته یې کړه چې په کاناډا کې ځینې روغتونونه شته چې د ټیلي میډیسن په برخه کې یې کار کړی دی او کارونو یې ښه پایله ورکړي ده.