د مخابراتو او معلوماتي ټکنالوجۍ وزارت او د پایتخت زون د پراختیا خپلواکې ادارې ترمینځ هوکړه لیک لاسلیک شو

نن ورځ د مخابراتو وزارت د پست ریاست او پايتخت زون د پراختيا خپلواکې ادارې ترمنځ د پسته خانو د مدرن کولو هوکړه لیک لاسلیک شو
دغه هوکړه لیک په داسی حال کی لاسلیک شو چې د مخابراتو اومعلوماتي ټیکنالوجۍ وزیر سربیره د دواړو لورو یو شمیر چارواکو ګډون کړی وو. 

د مخابراتو او معلوماتي ټېکنالوجۍ وزارت غواړي په نوي او عصري ډول لومړی په کابل او بیا په ټول افغانستان کې په ملي او نړيوال معیار برابرې پست خونې جوړې کړي، ددغی پوست خونو په جوړیدو سره به په بیلابیلو برخو کې په ځانګړي ډول د پاسپورټونو په ویش کې آسانتیا رامنځته شي. همدارنګه د پست خونو په عصري کیدو سره به روڼتیا تامین او د فساد مخنیوي وشي. .
پدغه پست خونو کې به پر پستي خدمتونو سربیره، انټرنیت کلب، او کتابتون شتون ولري او د ښار په کلیدي ځایونو کې جوړی شي.