د ای ټی مسلکی وړتیاوو دلوړولو په برخه کی د تړون لاسلیک

د مخابراتو او معلوماتي ټکنالوجۍ وزارت او د د لوړو زده کړو رڼا، کاروان اود هندوستان Aptech تحصیلي موسسو

 تر مینځ په هیواد کې مخابراتي او معلومتي ټکنالوجۍ سکټور د خدمتونو د لا ښه کیدو او په ټول هیواد کې د اقتصادي پراختیا او کار موندنې په موخه د لوړ بانډوید په واسطه د اړیکو، مبایل ټلیفون او د IT سکتور ظرفیتونوودې لپاره تړون د یومطبوعاتي کنفرانس په ترڅ کې لاسلیک شو.

په یاد کنفرانس کې د مخابراتو او معلوماتي ټکنالوجۍ وزارت تخنیکی مرستیال ښاغلي بریالی حسام په تیره یوه لسیزه کې په افغانستان کې د مخابراتو او معلوماتي ټکنالوجۍ په بیلا بیلو لکه موبایل خدمتونه، 3G، انټرنیټ او نوري فایبر په برخو کې د پام وړ او چټک پرمختګ په اړه لنډ معلومات ورکړل. ښاغلي حسام زیاته کړه: د دغه هوکړه لیک موخه په افغانستان کې د ای سي ټي په برخه کې پرمختګ، د خدمتونو د کیفیت لوړول او د کار او شغل زمینې برابرول دی.

ښاغلي بریالی حسام وویل: د مخابراتو او معلوماتي ټکنالوجۍ وزارت، د IT په سکتور کې د مهارتونو د ودې د پروژې به اوسنۍ دوره کې ۶ تخصصی پروګرامونو ته ځای ورکړی چې په لاندې ډول دي: د سیستم مدیریت، شبکه جوړونه او د معلوماتو امنیت، مایکروسافټ ټکنالوجۍ، ډیټابیس مدیریت، ویب ډیزاین او وده او د سافت وئیر وده. په همدې موخه د داؤطلبۍ بشپړیدو وروسته د لوړو زده کړو (رڼا، کاروان او هندوستان Aptech تحصیلي موسسې د زده کړی په دې بهیر کې چې د۲۰۱۴ – ۲۰۱۵ کلونو کې تر سره کیږي قرارداد لاسلیک کیږي. اوهیله لرو چې د هوکړه لیک په پلي کیدو سره په څو راتلونکو کلونو کې د معلوماتی ټکنالوجۍ څخه د خپل ژوند په ورځني چارو کې ګټه پورته کړو. هغه یادونه وکړه: چې د یادو موسسو هر یو د IT 350 مسلکی کسان د 16 میاشتو په موده کی د ۴۰۰۰۰۰ ډالرو په ارزښت د مالیې په شمول په هیواد کې زده کړه ورکوي. چې په ټولیزه توګه ۱۰۵۰ تنه په یادو برخو کې د لوړو زده کړو مو سسو لخوا زده کړه ورکول کیږي.

د یادونې وړ ده چې دغه بهیر په ۲۰۱۲ – ۲۰۱۳ کلونو کې د کار دان ، نړیوال انفوټیک خصوصي (InfoTech ) – سنګاپور او رڼآ ټکنالوجۍ لوړو زده کړو موسسو لخوا تر سره شوه چې۱۵۰ تنه محصلینو ته د IT  په برخه کې زده کړې  کړي دي.