د مخابراتو او معلوماتي ټکنالوجۍ وزارت وزیر فراه ولایت ته د سفر په لړ کې پشت رود ولسوالۍ څخه لیدنه وکړه
د مخابراتو او معلوماتي ټکنالوجۍ وزارت وزیر ښاغلي الحاج مولوي نجیب الله حیات حقاني فراه ولایت ته د سفر په ترڅ کې پشترو ولسوالۍ ته تللی او هلته یې له ځایي مسؤلینو سره لیدلي او د دوی ستونزې یې له نیږدې اورېدلي.
ښاغلي وزیر صاحب پشترود ولسوالۍ کې د یادې ولسوالۍ ولسوال ښاغلي الحاج ملا محمد انور سره د یادې ولسوالۍ پر مخابراتي چوپړ او د محرومو سیمو پر پوښښ خبرې کړي دي، ښاغلي وزیر صاحب پشترود رود ولسوالۍ کې له ځايي مسؤلینو او د یادې ولسوالۍ له اوسېدونکو سره لیدلي د دوی ستونزې یې له نیږدې اورېدلي د حل مو ځه یې ډاډ ورکړی د ښاغلي وزیر صاحب په وینا مخابراتي چوپړ به د هېواد په کچه پراختیا ومومي او ډېری محرومې سیمې به له مخابراتي آسانتیاو برخمنې شي.
د مخابراتو او معلوماتي ټکنالوجۍ وزارت هېواد کې لرو پرتو سیمو ته د مخابراتي پوښښ د پراختیا او همدا راز هېواد کې د انټرنټي او مکالماتي چوپړ وړاندې کولو په موخه ګڼ شمېر مخابراتي سایټونه پلان کړي وو چې اوس مهال یې د هېواد په ټولو برخو کې عملا کار جریان لري او له ډلې یې ۵۴ مخابراتي سایټونه تر دې دمه ګټې اخیستنې ته هم سپارل شوي او د پاتو مخابراتي سایټونو چارې په چټک سره روانې دي.
