د لوګر ولایت د مخابراتو او معلوماتي ټکنالوجۍ ریاست او مخابراتي شرکتونو ترمنځ د همغږۍ غونډه ترسره شوه
![مخابرات ولایت لوگر](/sites/default/files/2024-05/jlsh_wlayt_lwgr_22_thwr_1403.jpg)
د لوګر ولایت د مخابراتو او معلوماتي ټکنالوجۍ ریاست مشرتابه د یوې غونډې په ترڅ کې د مخابراتي شرکتونو له ولایتي مسئولینو سره وکتل.
په دې غونډه کې د مخابراتي شرکتونو د پراختیایي پلانونو، د خدمتونو د کیفیت د ښه والي د لوګر ولایت ولسوالیو ته د سیم کارتونو د بیا ثبت په موخه د خپلو ګرځنده ټیمونو د ژر استولو، د مخابراتي خدمتونو اړوندو بېلابېلو موضوعاتو خبرې وشوې.
د ام ټی ان مخابراتي شرکت استازي وویل چې یاد شرکت په پلان کې لري چې د ۲۰۲۴ کال تر پایه پورې د لوګر ولایت په مرکز او یو شمیر ولسوالیو کې ۵ نوي مخابراتي سایټونه نصب او جوړ کړي چې په ۴جي ټکنالوجۍ به سمبال وي.
همداراز د اتصالات مخابراتي شرکت استازي هم وویل، دغه شرکت په پلان کې لري چې د ۲۰۲۴ کال تر پایه پورې د لوګر ولایت د خوښۍ، خروار او ازره ولسوالۍ تر پوښښ لاندې راولي.
د یادونې وړ ده چې د مخابراتي شرکتونو مسئولینو ژمنه وکړه، چې پورتنۍ چارې به د مخابراتو او معلوماتي تکنالوجۍ وزارت او اترا ادارې سره په همغږۍ د نوي طرزالعمل له مخې ترسره کړي.