د مخابراتو او معلوماتي ټکنالوجۍ وزارت پخواني وزیر او د هیواد سیاسي او جهادي شخصیت قاضي محمد امین وقاد د مړینې په مناسبت د مخابراتو وزارت د مشرتابه د خواخوږۍ پیغام

بسم الله الرحمن الرحیم

په ډیرې خواشنۍ سره مو خبر ترلاسه کړ چې د افغانستان د مخابراتو او معلوماتي ټکنالوجۍ وزارت پخوانی وزیر، د سولې عالي شورا پخوانی غړی او د هیواد سیاسي او جهادي شخصیت قاضي محمد امین وقاد د ورپیښې ناروغۍ له امله خپل روح حق ته وسپاره.

انالله و انا الیه راجعون

خدای بخښلی قاضي محمد امین وقاد په ۱۳۷۲-۱۳۷۵ کلونو کې د مخابراتو او معلوماتي ټکنالوجۍ وزیر او له هغه څخه وروسته د سولې د عالي شورا د برجسته غړي په توګه د هیواد او هیوادوالو په خدمت کې خپلې هڅې ندي سپمولي.

خدای بخښلی قاضي وقاد د یو سیاسي فعال ترڅنګ دینې عالم، دینداره او مجاهد هم و چې د هغه نشتون د هیواد سیاسي او دیني ټولنې لپاره لویه ضایع ګڼل کېږي.

د مخابراتو او معلوماتي ټکالوجۍ وزارت مشرتابه د نوموړي په مړینه خپل تسلیت او خواخوږي څرګندوي او د دوي درنې کورنۍ او د افغانستان خلکو سره په دې غم کې ځان شریک ګڼي او ده ته د لوی خدای (ج) له دربار څخه جنتونه او وارثینو ته یې صبر جمیل غواړي.

د مخابراتو او معلوماتي ټکنالوجۍ وزیره

معصومه خاوري