د مخابراتو او معلوماتي ټکنالوجۍ وزارت مالی او اداري معین رسماً د وزارت کارکونکو ته معرفي شو

لومړی د مخابراتو او معلوماتي ټکنالوجۍ وزارت وزیر ښاغلي الحاج مولوي نجیب الله حیات حقاني د مخابراتو او معلوماتی ټکنالوجۍ وزارت نوي معین صاحب ته د نوې دندې د مبارکۍ ویلو ترڅنګ زیاته کړه چې دنده اخیستل یومسؤلیت دی او د ملت له امانتونو څخه شمیرل کیږي، په کوم کارکې چې د الله پاک چاته د خیر اراده وي نیک خلک ورته معاونین ټاکي او همدا راز ډاډ یې ورکړ چې د مخابراتو او معلوماتي ټکنالوجۍ وزارت رهبري به د یاد معینیت په اغیزمنه توګه د چارو په ترسره کولو کې له دوي سره همکاره وي.

یاده غونډه چې د مخابراتو او معلوماتي ټکنالوجۍ وزیر محترم الحاج مولوي نجیب الله حیات حقاني په مشرۍ جوړه شوې وه د کلیو او پراختیا وزارت وزیر ښاغلي مولوی محمد یونس اخندزاده، د ریاست الوزرا عالی مقام د دفتر عمومي رئیس محترم ډاکتر صاحب عبدالواسع، دچارو ادارې عمومي رئیس شیخ الحدیث مولوي نورالحق انور، د دفاع وزارت معین محترم مولوي فاضل آخند، د ښارجوړونې وزارت معین، د برښنا امارتي شرکت اداري رئیس او یو شمیر نورو چارواکو هم ګډون درلود.

د مخابراتو او معلوماتي ټکنالوجۍ وزارت د اټرا د ټی ډي اف بودیجی له لوري د ۳۵ میلیونو افغانیو په ارزښت یوشمیر د ټکنالوجۍ اړوند وسایل ( ۵۴۰ پایې لپټاپ کمپیوټرونه، میزونه، چوکۍ او د لمریزې بریښنا وسایل) شامل دي اخیستل شوي، چې د مخابراتو او معلوماتي ټکنالوجۍ وزارت اړوند ۱۶ ولایتی ریاستونو رئیسانو ته د یوې رسمي غونډې په ترڅ کې د رسمي لیک په ورکولو سره وسپارل شول.

...