لوګر ولایت کې د سایبري امنیت  خطرونو په برخه کې درې ورځینۍ سیمینار تر سره شو

naweed_admin
چهارشنبه ۱۴۰۵/۷/۲۹ - ۱۱:۷
ولایت کندز

د لوګر ولایت د مخابراتو او معلوماتي ټکنالوژۍ ریاست په هڅو او همغږۍ، د یاد ولایت مقام کارکوونکو، د اړوندو ریاستونو کارکوونکو او د دویمي واحدونو مسوولینو ته د مخابراتو او معلوماتي ټکنالوژۍ وزارت مسلکي انجنیرانو له لوري د «سایبري خطرونو» تر سرلیک لاندې درې‌ورځنی سیمینار وړاندې شو.

په دې سیمینار کې د سایبري خطرونو د پېژندنې، سایبري امنیت، د معلوماتو د خوندي ساتنې، د شخصي او اداري معلوماتو د محرمیت، د آنلاین فعالیتونو پر مهال د امنیتي تدابیرو د مراعتولو او د سایبري بریدونو د مخنیوي په اړه ګډونوالو ته مفصل معلومات وړاندې شول.

همدارنګه، د انټرنېټ او ډیجیټلي وسایلو د خوندي کارونې، د مشکوکو لینکونو او پیغامونو د پېژندنې، د پټو نومونو د خوندیتوب او د محرمو معلوماتو د ساتنې په اړه اړینې لارښوونې وشوې، څو کارکوونکي وکولای شي د خپلو ورځنیو اداري چارو پر مهال د احتمالي سایبري ګواښونو پر وړاندې لازم احتیاطي تدابیر ونیسي.

د یاد سیمینار موخه د دولتي کارکوونکو د سایبري پوهاوي لوړول، د معلوماتو د خوندي ساتنې په برخه کې د هغوی د وړتیاوو پیاوړتیا او د دولتي ادارو د معلوماتي سیستمونو د امنیت په اړه د هغوی د پوهې زیاتول وو.

تازه خبرونه

پنجشنبه ۱۴۰۵/۸/۲۸ - ۱۳:۵۲
Background image

د نورستان ولایت منډول ولسوالۍ کې د سلام مخابراتي شبکې سایټ فعال او ګټې اخیستنې ته وسپارل شو

د هیواد محرومو سیموته د مخابراتي چوپړتیاو د پراختیا په موخه...

پنجشنبه ۱۴۰۵/۸/۲۸ - ۱۰:۲۲
Background image

پکتیکا ولایت کې د درې نویو مخابراتي سایټونو رغنیزې چارې پیل شوې

د یاد ولایت وړممی ولسوالۍ د دوچيني، وازيخوا ولسوالۍ مرجاني او د سروبي ولسوالۍ په مستوی سیمو کې د افغان بیسیم مخابراتي شرکت د ۳ سایټونو د جوړولو...

سه‌شنبه ۱۴۰۵/۸/۵ - ۱۶:۲۳
Background image

کانونو او پټرولیم وزارت کې د رسمي مکتوبونو او سندونو مدیریتي سیسټم د تطبیق لړۍ پیل شوه

په همدې موخه جوړې شوې غونډه کې د مخابراتو او معلوماتي ټکنالوژۍ وزارت مالي او اداري مرستیال ښاغلي الحاج حافظ محمد امین جان عمري د ډیجیټلي مکتوبونو او...

بېرته خبرونه ته