پکتیکا ولایت مرکز ښرنې ښار ایمني خیلو او سر روضې ولسوالۍ کې د روشن مخابراتي شرکت ۴جي انټرنیټي خدمتونه فعال شول
د مخابراتو او معلوماتي ټکنالوجۍ وزارت د هدایت پر اساس د پکتیکا ولایت د مخابراتو او معلوماتي ټکنالوجۍ ریاست او روشن مخابراتي شرکت ګډو هڅو په ترڅ کې د پکتیکا ولایت په مرکز ښرنې ښار ایمني خیلو سیمې او سر روضې ولسوالۍ کې د روشن مخابراتي شرکت ۴جي مخابراتي او انټرنټي خدمتونه د لومړي ځل لپاره په رسمي ډول پرانیستل شول.
د روشن مخابراتي شرکت د انټرنټي ۴جی خدمتونو په فعالیدو سره به د یادو سیمو اوسېدونکي وکولای شي لوړ کیفیت او چټک انټرنېټي خدمتونو ته لاسرسی ولري او خپلې مخابراتي ستونزې هوارې کړي.
د یادشویو سیمو اوسېدونکو د مخابراتو او معلوماتي ټکنالوجۍ وزارت د کړنو ستاینه وکړه او د دغه ولایت د مخابراتو او معلوماتي ټکنالوجۍ ریاست له هڅو یې خوښي څرګنده کړه.
د یادونې وړده چې د روشن مخابراتي شرکت په نوموړي ولایت کې د خپلو ټولو سایټونو خدمتونه ۴جی ته لوړکړي دي او په راتلونکي کې د نوموړي ولایت د پاتې محرومو سیمو لپاره د نویوسایټونو له لارې د ۴جی خدمتونو د وړاندې کولو پلان لري.
