پروان ولايت ته د مخابراتي خدماتو وضعيت ارزونې په موخه د وزارت د لوړ پوړه پلاوي سفر
چهارشنبه ۱۳۹۷/۷/۴ - ۹:۳۴
چهار شنبه د ۱۳۹۷ د تلې ۴مه
د مخابراتو او معلوماټي ټکنالوجۍ اداري مرستيال محترم ډاکټر هادي هدایتي د وزارت د رئیسانو په شمول د یو پلاوي په مشرۍ پروان ولايت ته سفر وکړ.
په دغه سفر کې ښاغلي هدايتي د پروان والي محترم ډګر جنرال فضل الدين عيار سره ولیدل او په دغه ولايت کې يې د مخابراتي خدماتو د وضعيت په اړه خبرې وکړې.
محترم د پروان والي په دغه ولايت کې د مخابراتي خدماتو ، د ټکنالوژۍ د زیربناو د پرمختګونو او د نوري فايبر د پروژې د بشپړېدو له کبله د وزارت څخه مننه وکړه او ويې ويل چې د مخابراتو وزارت سره په همغږۍ به لا کوښښ وکړي چې په دغه ولايت کې د مخابراتي خدماتو پراختيا ته زمينه برابره کړي.
د مخابراتو او معلوماتي ټکنالوجۍ اداري مرستيال محترم هدايتي د پروان ولايت د مخابراتو او معلوماټي ټکنالوجۍ رياست څخه د ليدنې په ترڅ کې د مخابراتو، اترا او افغان ټېلېکام له ټولو کار کوونکو سره له نږدې وليدل او د هغوی د ستونزو اورېدلو وروسته يې د حل په برخه کې او هېوادوالو ته د ښه خدماتو وړاندې کولو په موخه مسؤولينو ته لازمې لارښوونې وکړې.
