میدان وردګو ولایت کې د ای سي جي انټرنیټي شرکت له لوري د نوري فایبر غزولو پروژې عملي چارې پیل شوې
د مخابراتو او معلوماتي ټکنالوجۍ وزارت مقام د منظورۍ په اساس د میدان وردګو ولایت له مرکز میدان ښار څخه تر زرخرید کوتل پورې د ۶۶ کیلو مترو په اوږدوالي د ای سي جي (آسیا مشورتي ګروپ) انټرنیټي شرکت له لوري د نوري فایبر غزولوپروژې پلي کولو عملي چارې پیل شوې.
د دې پروژې په پلي کیدو سره به د میدان وردګو ولایت په میدان ښار کې د انټرنیټي خدمتونو په کیفیت کې د پام وړ ښه والی رامنځته شي او همداراز ترڅنګ به یې د انټرنېټ بیې راټیټې شي او د میدان وردګو ولایت د مرکز میدان ښاراړوند سیمو محترم اوسيدونکي به وکولای شي لوړ کیفیت انټرنیټ څخه په ټیټه بیه ګټه واخلي. او خپلې انټرنیټې ستونزې هوارې کړي.
