غزني ولایت کې د پوستي خدمتونو د فعالیتونو د څرنګوالي څخه څارنه تر سره شوه
د مخابراتو او معلوماتي ټکنالوجۍ وزارت د لارښوونې سره سم، په غزني ولایت کې د پوستي او کارګو دولتي او خصوصي شرکتونو فعالیتونه د مخابراتو او معلوماتي ټکنالوجۍ وزارت د پستي خدمتونو تنظیم ادارې (آپرا) ریاست له لوري د نوموړي ولایت د مخابراتو ریاست سره په همغږی په یاد ولایت کې د غیرقانوني پوستي خدماتو د مخنیوي په موخه څارنه تر سره کړه.
د دې څارنې په ترڅ کې له هغو شرکتونو څخه چې له جواز پرته یې پستي خدمتونه وړاندې کول، لیکلي ژمنه ؤاخیستل شؤه او د پوسټي خدمتونو ټولو شرکتوتو ته لارښوونه وشوه چې خپلې ټولې چارې د آپرا ادارې د کړنلارې له مخې د اړوندو شرکتونو د اصولو او اساسنامې سره سم ترسره کړي، د سرغړونې په صورت کې به ورسره قانوني چلند وشي.
همدا راز د دې څارنې ترڅنګ د پستي خدمتونو د تنظیم ادارې ( اپرا ) ریاست د پلاوي لخوا یو پریزینټیشن هم وړاندې شو چې د یادو شرکتونو استازو او د غزني ولایت د مخابراتو ریاست کارکوونکو ته د پستي او کارګوخدمتونو د کاري مسیر په اړه د پوهاوي لپاره معلومات ورکړل شول.
دا څارنه د غیر قانونی پوستی فعالیتونو د مخنیوي، د کارګو شرکتونو د کاري تفکيک په اړه د پوهاوي, او همدارنګه د دولتي عوایدو د ډیریدو په خاطر ترسره شوه.
