د پکتیکا ولایت د مخابراتو او معلوماتي ټکنالوجۍ ریاست د کمپیوټر ښؤونیز مرکز د دریېمې دورې د زده کړیالانو فراغت غونډه او نندارتون جوړ شو.
پنجشنبه ۱۳۹۷/۱۲/۱۶ - ۸:۴۷
د پکتیکا ولایت د مخابراتو او معلوماتي ټکنالوجۍ ریاست د غونډو په تالار کې د کمپیوټر ښؤونیز مرکز د (۲۴) تنو زده کړیالانو د فراغت غونډه دایره شؤې وه چې یاده غونډه کې د پکتیکا والي ډاکټر مجیب الرحمن (څمکنی)، د امنیې قوماندان ، د ملي امنیت رئیس، د بېلابېلو ریاستونو رئیسان،د ولایتي شورا وکیلان، عُلما، سپین ږیري، قومي مشران، د مخابراتي شرکتونو استازي، مدني فعالان او ځوانانو ګډون کړی و.
غونډه کې د مخابراتو او معلوماتي ټکنالوجۍ رئیس انجنیر ارسلاح خان (هاشمي) زده کړیالانو ته د مبارکۍ ترڅنګ د تېرکال لاسته راوړنو او د ۱۳۹۸ کال کاري پلان له ګډونوالو سره شریک کړ.
غونډه کې د مخابراتو رئیس له څرګندؤنو وروسته د ولایتي شورا وکیل، قومي مشرانو، مدني فعالانو او ځوانانو هر یو په خپل نوبت ویناوې وکړې او د مبارکیو تر څنګ یې زده کړیالان وهڅول چې خپلو زده کړو ته دې دوام ورکړي.
په پای کې د مخابراتو او معلوماتي ټکنالوجۍ مشرتابه د پکتیکا والي ښاغلی ډاکټر مجیب الرحمن (څمکنی) د ویاړ پګړۍ ور په سر کړه او ښاغلي ډاکټر مجیب الرحمن (څمکني) زده کړیالانو ته مبارکي وویله او د معلوماتي ټکنالوجۍ اړوند یې ګټورې خبرې وکړې او د مخابراتو ریاست ته یې د هر ډول همکارۍ ډاډ ورکړ.
د قدرمن والي ښاغلي ډاکټر مجیب الرحمن (څمکني) له وینا وروسته (۲۴) تنو زده کړیالانو ته د والي صیب، مخابراتو رئیس، ولایتي شورا وکیلانو، بېلابېلو رئیسانو او قومي مشرانو له لوري بريلیکونه ووېشل شؤل.
د غونډې په دوهمه برخه کې د مخابراتو او معلوماتي ټکنالوجۍ ریاست نندارتون پرانېستل شو چې ټولو راغلو مېلمنو له یاد نندارتون څخه لیدنه وکړه او د خوښۍ ترڅنګ یې د مخابراتو ریاست څخه مننه وکړه.
په یاد نندارتون کې د مالوماتي ټکنالوجۍ تخنیکي وسایل (روټر، پرېنټر، کېبلونه...)، مخابراتي وسایل ( نمونؤي ټاور، رادیو، جي پي اېس، ټاکي واکي، فایبرمزي،...) او د مخابراتي شرکتونو سیمکارټونه او بروشرونه نندارې ته د نمونې په ډؤل وړاندې شؤي و.
