د پروان ولایت په یو شمیر ولسوالیو کې د سلام مخابراتي شبکی د پنځو نويو مخابراتي سایټونو جوړولو د سروې چارې تر سره شوې
د هیواد لرو پرتو سیمو ته د مخابراتي او انټرنېټي آسانتیاوو برابرولو په موخه د مخابراتو او معلوماتي ټکنالوجۍ وزارت د پریکړې له مخې د پروان ولایت د مخابراتو ریاست، د ګډ مسلکي ټیم له لوري په سالنګ، سرخ پارسا، شینوارو، سیاه ګرد او شیخ علی ولسوالیو کې د ټي ډي اف لسمې پروژې په مرسته د پنځو نویو مخابراتي سایټونو د جوړولو لپاره سروې تر سره شوه.
د یاد مخابراتي سایټونو د جوړولو عملي چارې به ډیر ژر پیل شي چې په جوړیدو سره به یې د یادو ولسوالیو د اوسیدونکو مخابراتي او انټرنېټي ستونزې هوارې شي.
