د هلمند ولایت په ۲ ولسوالیو کې د نويو مخابراتي سایټونو له جوړیدو څخه څارنه ترسره شوه
د هلمند ولایت د مخابراتو او معلوماتي ټکنالوجۍ ریاست او ګډ مسلکي ټیم له لوري د نوموړي ولایت د باغران ولسوالۍ پایسګ سیمه او نوزاد ولسوالۍ دانه او ګینه سیمو کې د مخابراتو وزارت د ټي ډي اف لسمې پروژې مخابراتي سایټونو جوړولو د کار له جریان څخه څارنه تر سره شوه.
د دې څارنې په ترڅ کې قراردادي شرکت ته سپارښتنه وشوه ټولې چارې باید د قرارداد د شرایطو او نقشې سره سم تر سره کړي.
همداراز د نوزاد ولسوالۍ ګورز سیمې لپاره نوي منظور شوي مخابراتي سایټ د جوړولو په موخه سروې وشوه چې نږدې راتلونکي کې به یې کار عملا پیل شي.
