د میدان وردکو ولایت یو شمېر سېمو کې د مخابراتي سایټونو له رغنیزو چارو څارنه ترسره شوه
د میدان وردګ ولایت لرو پرتو سیمو ته د مخابراتي خدمتونو د غځولو په موخه د نرخ ولسوالۍ تیتمور او صدمردی سیمو کې د افغان ټلیکام مخابراتي شرکت د سلام شبکې له دوه سایټونو څخه چې د ټي ډي ایف لسمې پروژه کې نرخ ولسوالۍ ته پلان شوي وو له رغنیزو چارو څارنه ترسره شوه.
د یادې څارنې په ترڅ کې اړونده شرکتونو ته سپارښتنه وشوه څو رغنیزې چارو کې کیفیت او معیار په نظر کې ونیسي او د قرارداد مطابق یې سر ته ورسوي.
یاد مخابراتي سایټونه د نرخ ولسوالۍ محرومو سیمو ته په نظر کې نیول شوي چې فعالېدو سره به یې د تیتمور او صد مردې سیمو سربیره شاوخوا کلیو ته انټرنټي او مکالماتي آسانتیاوې برابرې کړي.
میدان وردکو ولایت ۳ ولسوالیو کې د اټوما مخابراتي شرکت ظرفیت له ۳جی څخه ۴جی ته لوړ شو.
د هېواد ګڼو سیمو کې د مخابراتي شبکو د کیفیت د ښه والي په موخه د میدان وردکو ولایت سیدآباد، جلریز او چک ولسوالیو کې د ۳ مخابراتي انټنونو ظرفیت له ۳جی څخه ۴جی ته لوړ چې له مخې به یې یادو سیمو کې غوره انټرنټي او مکالماتي چوپړتیاوې وړاندې کوي.
د هلمند ولایت باغران ولسوالۍ مایګانو سیمه کې د لومړي ځل لپاره مخابراتي خدمات فعال شول.
د هېواد محرومو سیمو ته د مخابراتي آسانتیاو د رسولو په لړ کې د هلمند ولایت باغران ولسوالۍ مایګان سیمه چې تر دې مهاله یې هیڅ راز مخابراتي آسانتیاو ته لاسرسی نه درلود د افغان بیسیم مخابراتي شرکت خدمات فعال شول.
د یاد مخابراتي سایټ په فعالېدو سره له مایګانو سربیره د باغران ولسوالۍ باغورګک، قره باغ، او یو شمېر نورې سیمې هم له مخابراتي آسانتیاو برخمنې شوې.
د یادونې وړ ده د یادې سیمې د مخابراتي چوپړ د پیاوړتیا په موخه راتلونکي کې د یو شمېر نورو مخابراتي انټنونو د فعالېدو پلان هم شته.
د پکتیا ولایت مرکز ګردېز بلند منزلو سیمه کې ۴جی خدمات پیل شول.
د پکتیا ولایت مرکز ګردېز بلند منزلو سیمه کې د مخابراتي چوپړ د پراختیا، د اړیکو او انټرنټي خدمتونو د کیفیت د ښه الي او همداراز مرکز ګردیز ښار کې د آسانتیاو په موخه د روشن مخابراتي شرکت یو ۴جی سایټ خپل خدمات پیل کړل.
په همدې موخه جوړې شوې غونډه کې د پکتیا ولایت د مخابراتو او معلوماتي ټکنالوجۍ ریاست رییس ښاغلي مولوي نصیرالله هجرت یادونه وکړه چې د پکتیا ولایت د مخابراتو او معلوماتي ټکنالوژۍ ریاست به د مخابراتي خدمتونو د کیفیت د لوړوالي او د نوې ټکنالوژۍ د پراختیا لپاره خپلې هڅې لا پیاوړې کړي، تر څو د خلکو په ورځنیو چارو کې چټکتیا او آسانتیا رامنځته شي.
