د مخابراتو او معلوماتي ټکنالوجۍ وزارت د پُسټي خدمتونو د پراختیا او مډرن سازۍ پروژې پرانېسته

Alireza Khaliqyar
پنجشنبه ۱۳۹۸/۱/۲۲ - ۱۳:۰

https://mcit.gov.af/ps/%D8%AF-%D9%85%D8%AE%D8%A7%D8%A8%D8%B1%D8%A7%D8%AA%D9%88-%D8%A7%D9%88-%D9%85%D8%B9%D9%84%D9%88%D9%85%D8%A7%D8%AA%D9%8A-%D9%BC%DA%A9%D9%86%D8%A7%D9%84%D9%88%D8%AC%DB%8D-%D9%88%D8%B2%D8%A7%D8%B1%D8%AA-%D8%AF-%D9%BE%D9%8F%D8%B3%D9%BC%D9%8A-%D8%AE%D8%AF%D9%85%D8%AA%D9%88%D9%86%D9%88-%D8%AF-%D9%BE%D8%B1%D8%A7%D8%AE%D8%AA%DB%8C%D8%A7-%D8%A7%D9%88-%D9%85%DA%89%D8%B1%D9%86-%D8%B3%D8%A7%D8%B2%DB%8D-%D9%BE%D8%B1%D9%88%DA%98%DB%90-%D9%BE%D8%B1%D8%A7%D9%86%DB%90%D8%B3%D8%AA%D9%87

د مخابراتو او معلوماتي ټکنالوجۍ وزارت د افغان پسټ د پُسټي خدمتونو د پراختیا او مډرن سازۍ پروژې د لومړي پړاو پرانېست.

د مخابراتو او معلوماتي ټکنالوجۍ وزیر شهزاد آريوبي د پرانېستې په مراسمو کې د پُسټ ریاست د کارکوونکو او مسؤولينو له کارونو او فعالیتونه مننه وکړه او زیاته يې کړه چې وزارت د عامه خدماتو د ساده سازۍ او ډيجيټل سازۍ لپاره توجه زیاته کړې او د مرکزي پُسته خانې پرانېسته يې ښه بېلګه ده. 
د مخابراتو او معلوماتي ټیکنالوژی وزارت د ستراتیژیو پر بنسټ، د پستي خدمتونو د معیاري کولو په موخه د پراختیا او مډرن سازۍ د پروژې لومړی پړاو په ۱۳۹۷ کال کې ډیزاین او په بریالیتوب سره پای ته ورسید.
ښاغلي آريوبي زیاته کړه چې د پستي خدمتونو په سکتور کې اساسي بدلون راغلی او د هغه بدلونونو په اړه يې د رسنیو او ګډونوالو سره معلومات شریک کړل چې په تېر یو کال کې د پُسټي خدماتو کې رامنځته شوي ډي. 
۱: د نړیوالو معیارونو سره سم د مرکزي پسته خانې او د کابل د ۱۶ ښاري پسته خانو عصري سازي، او د ښه خدمتونو د وړاندې کولو په موخه له فایبر نوري سره ددې پسته خانو اتصال.
۲: د پارسل لاکر سیستم رامینځته کول، ددې سسټم په مرسته به له یوې خوا د پارسلاتو مصونیت او بلې خوا به انلاین ویش پیل شي.
۳: د ډیجیټلي پست بکسونو د سیستم پیل، ددې سیستم په مرسته به د پستي توکو مصونیت او محرمیت خوندي وساتل شي. 
۴: په حضوري چمن کې د پست ریاست او د پستي سورتینګ مرکز د نوي ودانۍ د جوړولو ډیزاین. 
د مخابراتو او معلوماتي ټکنالوجۍ وزیر محترم شهزاد آريوبي زیاته کړه ړچې په ۱۳۹۸ کال کې د پستې سیستم د پراختیا پروژې دویم پړاو هم پېلېږي چې هغه کې د شلو پُسته خانو عصري سازي، موبایل اپلیکیشن، الیکترونیکي سوداګري او دفترونو لپاره د اوپن سپیس په ګډون ډیر نور نوښتونه په پام کې نیول شوي دي. 
د افغان پُسټ ادارې رئیس احمد وحید ویس وویل چې اداره يې پوره چمتو ده چې هېوادوالو ته غوره خدمات وړاندې کړي او د مرکزي پُسته خانې د عصري کېدو تر څنګ د با کيفيته خدماتو د وړاندې کېدو په موخه په روان کال کې د نورو سيسټمونو په جوړېدو هم کار روان دی.