د مخابراتو او معلوماتي ټکنالوجۍ سرپرستې آغلې معصومې خاورې سره د Huawei مخابراتي شرکت چارواکو تعارفي ناسته
نن چهارشنبه، د تلي میاشتې په ۲۳ مه نیټه د هواوې مخابراتي شرکت لوی رئیس ښاغلي سوسي یوان، د مخابراتو او معلوماتي ټکنالوجۍ سرپرستې آغلې معصومه خاوري سره د پیژندګلوي کتنه وکړه.
هواوې (Huawei) د چين هیواد یو له لویو مخابراتي شرکتونو څخه دی چې دا مهال په افغانستان کې له بیلا بیلو مخابراتي شرکتونو سره تخنيکي همکاري لري او په دې برخه کې ډېرې پانګونې کړي دي.
د ناستې په جریان کې، ښاغلي سوی یوان په افغانستان کې د مخابراتو او ډیجیټل سیسټمونو د ودې او پیاوړتیا په اړه خبرې وکړې او په دې برخه کې یې د مخابراتو وزارت د مشرتابه د همکارۍ غوښتنه وکړه.
آغلې خاوري د یاد شرکت د مسوولینو له حضور څخه مننه وکړه او ژمنه یې وکړه چې د وزارت مشرتابه به د خصوصي سکتور سره د قانون او امکاناتو په حدودو کې د مخابراتو او ډیجیټل سیسټمونو ودي او پیاوړتیا لپاره همکاري وکړي.
