د بغلان ولایت د مخابراتو او معلوماتي ټکنالوجۍ ریاست او مخابراتي شرکتونو استازو ترمنځ غونډه وشوه
د بغلان ولایت د مخابراتو او معلوماتي ټکنالوجۍ ریاست او مخابراتي شرکتونو استازو ترمنځ غونډه وشوه.
د بغلان ولایت د مخابراتو او معلوماتي تکنالوجۍ ریاست، د اټرا اداې ولایتي استازي، ام ټي ان، افغان بیسیم، روشن، اتصالات او سلام مخابراتي شرکتونو د استازو تر منځ د مخابراتي شرکتونو په پرمختګونو، کیفیت، د مخابراتي سایټونو په ارتقاء او همدا راز د محرومو سیمو پر پوښښ خبرې وشوې
دوی ډاډ ورکړ چې تر دې دمه بغلان ولایت کې د سیمکارټونو د ثبت او راجسټرېشن پروسه د مخابراتو او معلوماتي ټکنالوجۍ وزارت د اټرا ادارې د طرزالعمل مطابق پر مخ روانه ده .
په دې ناسته کې د مخابراتي شبکو استازو په تېر کال کې د خپلو فعالیتونو او پرمختګونو په اړه تفصیلي معلومات وړاندې کړل او ټینګار یې وکړ چې راتلونکي کال ته د لا غوره خدماتو وړاندې کولو په موخه ځانګړي پلانونه لري او هغه سیمې چې لا هم محرومې پاتې د مخابراتي خدمتونو په رسولو کې به یې هڅې ګړندۍ کوي ورته مهال دغې ناسته کې د انټرنیټي خدمتونو د کیفیت د ښه والي لپاره په لازمو لارو چارو خبرې وشوې.
په ناسته کې د ځینو ننګونو ؛ په ځانګړي توګه په لرې پرتو سیمو کې د مخابراتي خدمتونو د نشتوالي او د ضعیف انټرنیټ ستونزو یادونه هم ؤشوه.
د یادونې وړده چې بغلان ولایت کې د مخابراتو او معلوماتي ټکنالوجۍ ریاست له اړوندو ادارو سره په همغږۍ د ستونزو په حل ټینګار وکړ.
د یادونې وړ ده چې دیادې ناستې په پای کې، د مخابراتي شبکو استازو د مخابراتو ریاست او د مخابراتو او معلوماتي ټکنالوجۍ وزارت اترا ادارې له دوامدارې همکارۍ مننه وکړه او ډاډ یې څرګند کړ چې ټولې کړنې به د اصولو او کړنلارې سره سم ترسره کوو.
