د انټرنیټ مدیریت نړیوالې ټولنې (IGF) په څوارلسمه غونډه کې د محمد فهیم هاشمي ګډون
د انټرنیټ مدیریت نړیوالې ټولنې څوارلسمه غونډه، د مخابراتو سرپرست وزیر محمد فهیم هاشمي او نړۍ شاوخوا دوه زره نورو ګډونوالو په شتون تېره سه شنبه، د نومبر میاشتې ۲۶ نېټه په المان هیواد کې پیل شوه.
غونډه د «یوې نړۍ، یوې شبکې، یوه لیدلوري» تر محوري شعار لاندې، د المان لمړۍ وزیرې انګلا میرکل په وینا پیل شوه، چې د دریو مهمو لومړیتوبونو، اطلاعاتو مدیریت، ډیجیټلي ظرفیت او خوندیتوب، انعطاف او پایښت په موخه به خپلو چارو ته دوام ورکوي.
په پام کې ده، دغه نړیواله غونډه به تر ۲۰۳۰ میلادي کال پوري د نړۍ شاوخوا درې ملیارده کسانو ته، د انټرنیټ رسولو پر چارو هم هر اړخیز بحث وکړي. د مخابراتو سرپرست وزیر محمد فهیم هاشمي هم وایې، چې وزارت یې د انټرنیټي خدمتونو د ښه والې په موخه هڅې کوي.
نوموړي د نورو هیوادونو استازو ته پر دغه چاره د ټینګار تر څنګ وویل: «انټرینټ یوه نړیواله پدیده ده او افغانستان هم له نورو هیوادونو سره د همغږۍ له لارې غواړې، هیوادوالو ته د ارزانه او لوړ کیفیت لرونکي انټرنیټ اسانتیا چمتو کړي.
