د افغان ټېلېکام مخابراتي شرکت د فعالیتونو او پلانونو پراختيا

Alireza Khaliqyar
دوشنبه ۱۳۹۷/۸/۲۱ - ۸:۴۴

https://mcit.gov.af/ps/%D8%AF-%D8%A7%D9%81%D8%BA%D8%A7%D9%86-%D9%BC%DB%90%D9%84%DB%90%DA%A9%D8%A7%D9%85-%D9%85%D8%AE%D8%A7%D8%A8%D8%B1%D8%A7%D8%AA%D9%8A-%D8%B4%D8%B1%DA%A9%D8%AA-%D8%AF-%D9%81%D8%B9%D8%A7%D9%84%DB%8C%D8%AA%D9%88%D9%86%D9%88-%D8%A7%D9%88-%D9%BE%D9%84%D8%A7%D9%86%D9%88%D9%86%D9%88-%D9%BE%D8%B1%D8%A7%D8%AE%D8%AA%D9%8A%D8%A7

د مخابراتو او معلوماتي ټکنالوجۍ وزیر محترم شهزاد آريوبي نن د افغان ټېلېکام د مسؤولينو سره ددغه شرکت د فعاليتونو په اړه ولیدل، ددوی د فعالیتونو اورېدلو تر څنګ يې ددغه شرکت د راتلونکو پلانونو او پروګرامونو په اړه خبرې وکړې.

افغان ټېلېکام شرکت چې په هېواد کې د نوري فايبر، ديجيټل مخابراتي خدماتو، بې سيم خدماتو(سلام مخابراتي شبکه) او د انټرنېټ د وېش په برخه کې فعاليت کوي، توانېدلی د یو کال په اوږدو کې د تېر په پرتله خپل فعالیتونه منظم او غوره خدمات وړاندې کړي.

محترم شهزاد آريوبي د افغان ټېلېکام شرکت مسؤولينو ته سپارښتنه وکړه چې په کمه بيه د با کيفيته خدماتو د وړاندې کولو، د نوري فايبر شبکې خدماتو ، د سلام شبکې( بیسیم) ، د انټرنېټ بنډوېټ پراختيا او په دغه سکټور کې د پانګونې د جلبولو لپاره جدي ګامونه پورته کړي او د ژمنې سره سم د ۲۰۱۹ کال پورې، خدمات د کېفيت له پلوه بهتر او بېو کې د پام وړ کمښت راوړي.