انټرنټ سره د ښوونځیو نښلول او پدې پروژه کې د ننګونو حلولو په موخه د اړوندو ادارو ناسته وشوه

naweed_admin
یکشنبه ۱۳۹۹/۱۰/۲۱ - ۱۴:۳۵
پروژه وصل مکاتب

په دې ناسته کې د مخابراتو او معلوماتي ټکنالوجې وزارت د پالیسۍ او پروګرام مرستیال ، سلاکارانو، د اترا ادارې مسئولینو، د ‏پوهنې وزارت، تخنیکي او مسلکي زده کړې ادارې، ملي پراختیا او د افغان ټلیکام مخابراتي شرکت بیلابیلو څانګو مسؤلینو برخه ‏اخیستې وه‎. ‎

په ِغونده کې، د نوري فایبر له لارې د ۱۶۰ ښوونځیو نښلول او د پاینټ تو پاینت او وایمکس ټکنالوجۍ له لارې ۵۰۰ ښوونځیو ‏سره وصل کول، د نوري فایبر له طریقه د ۱۰۱ ښوونځیو د قرارداد مودې غزول، د نوري فایبر په وسیله نښلول شوي ښوونځي ‏تجهیز کولو څرنګوالی او ګټې اخسیتل، د پاینت تو پاینت او وایمکس له لارې د ۲۱۹ ښوونځیو بدلون او د یاد شويو ښوونځیو ‏انټرنټ لپاره اړینو تجهیزاتو خریداري لپاره پر بودیجې خبرې وشوې‎. ‎

لومړی د مخابراتو او معلوماتي ټکنالوجۍ وزارت د پالیسۍ او پروګرامونو مرستیال ښاغلي احمد مسعود لطیف رای د غونډې ‏ګډونوالو ته د غونډې د اجندا په اړه معلومات وړاندې کړل او بیا د اړوندو ادارو استازو د ځینو ښوونځیو د نښلولو د ستونزو د ‏حل څرنګوالي په اړه خپل نظریات څرګند کړل‎.‎

احمد مسعود لطیف رای

په دې ناسته کې د اړوندو ریاستونو مسؤلینو ته لارښوونه وشوه چې پدې پروژه کې د ننګونو د حل لپاره د اړوندو ادارو د ‏استازو په ګډون یوه کمیټه جوړه کړي او کمیټه دې خپل کار ژر تر ژره پیل او په راتلونې ناسته کې د خپلو کارونو د پایلې په ‏اړه رايور چمتو او وړاندې کړي.

تازه خبرونه

دوشنبه ۱۳۹۹/۱۱/۶ - ۱۴:۵۷
Background image

د اطلاع رسونې په برخه کې د وزرت کړنې

د مخابراتو او معلوماتي ټکنالوجۍ وزارت د رسنیو آمریت ، د دې وزارت د فعالیتونو، لاسته راوړنو...

یکشنبه ۱۳۹۹/۱۱/۵ - ۱۴:۱۳
Background image

د ۱۳۹۹ کال په ترڅ کې د سیمه ایزې همکارۍ په برخه کې د مخابراتو وزارت (کړنې)

د مخابراتو او معلوماتي ټکنالوجۍ وزارت د مخابراتو او انټرنیټي خدمتونو وړتیا او کیفیت لوړولو او په هیواد کې د ډیجیټل...

پنجشنبه ۱۳۹۹/۱۱/۲ - ۸:۳۵
Background image

په زابل ولایت کې نه پنځوس (۵۹) تنه د کمپیوټر روزنیز مرکز څخه د فراغت سندونه ترلاسه کړل

د زابل ولایت د ډیجیټل همغږۍ ادارې د کمپیوټر مهارتونو روزنیز مرکز څخه...

بېرته خبرونه ته