افغانستان د نړۍ د ټکنالوجۍ له چټک پرمختګ شاته نه پاتې کېږي

Author image
Alireza Khaliqyar
سه‌شنبه ۱۳۹۸/۴/۲۵ - ۱۴:۷
Afghanistan would not lag behind in the course of extensive growth of technology in the world

د مخابراتو او معلوماتي ټکنالوجۍ وزارت سرپرست محترم محمد فهیم هاشمی نن د هېواد د رسنيو مسؤولينو سره په یو مشورتي ناسته کې، د تېرې يوې مياشتې د لاسته راوړنو او د مخابراتو او معلوماتي ټکنالوجۍ سکتور د ودې لپاره د راتلونکو پروګرامونو په اړه معلومات ورکړل.

ښاغلي هاشمي زیاته کړه چې په راتلونکو پلانونو کې يې، د فساد سره مبارزه، د انټرنټي خدماتو د بېو کمښت، د وزارت ظرفیت جوړونه، د لس سلنه مخابراتي خدماتو محصول ټولونې څخه جدي څارنه، د غوره انټرنټي خدماتو وړاندې کول، سمه ييز اتصال او د نوري فايبر شبکې پراختيا، الکټرونيکي حکومتداري او په ټوله کې د يوې مهمې او کليدي ادارې په توګه د خلکو په منځ کې د مخابراتو او معلوماتي ټکنالوجۍ وزارت اعتبار جوړول شامل دي.

ښاغلي هاشمي وویل چې نړۍ کې ټکنالوجي په چټکۍ سره وده کوي، افغانستان هم باید ددغه پرمختګ څخه وروسته پاتې نه شي او په خبره يې هڅه کوي چې کروندګر، محصلين او ټول خلک انټرنټ ته لاسرسی ولري.
ښاغلي هاشمي زیاته کړه چې د وزارت په ظرفیت جوړونه کار روان دی او د پروګرامونو او مهمو پروژو په تطبیق سره د هېواد د معلوماتي ټکنالوجۍ سکټور ودې ته زمينه برابرېږي، تر څو افغانستان هم په دې برخه کې د نړۍ څخه وروسته پاتې نه شي.

نوموړي وویل چې د رسنیو سره د معلوماتو شریکولو ته ژمن دی او تمه لري چې رسنۍ هم ددغه سکټور د ودې په برخه کې خپل رغوونکی رول ادا کړي
 

تازه خبرونه

چهارشنبه ۱۳۹۸/۵/۳۰ - ۱۴:۰
Background image

د مخابراتو سرپرست وزیر: د پستي خدمتونو چټکتیا زمونږ له لومړیتوبونو څخه ده

د یو لړ مراسمو په ترڅ کې د افغان پست او یورو پارسل شرکت تر مېڼځ د تړون لاسلیکولو پر مهال، د مخابراتو او معلوماتي ټکنالوژۍ سرپرست وزیر محمد فهیم هاشمي وویل: «افغان پست ته زمونږ طرحه دا. . .

سه‌شنبه ۱۳۹۸/۵/۸ - ۱۴:۳۳
Background image

په بلخ کې د مخابراتي ننګونو د حل لپاره هڅې روانې دي.

د مخابراتو او معلوماتي ټکنالوجۍ  وزارت سرپرست ښاغلی محمد فهیم هاشمي د مخابراتي شبکو له مسئولینو سره په ناسته کې له هغوی وغوښتل چې په بلخ ولایت کې د مخابراتي شبکو د بندیدو مسله ژر تر ژره. . .

دوشنبه ۱۳۹۸/۵/۷ - ۱۲:۳
Background image

په مخابراتو او معلوماتي ټیکنالوژۍ وزارت کې، د بیرغ ملي ورځ ولمانځل شوه.

د دغه وزارت مشرتابه او کارکوونکو، نن دوشنبه د زمري اوومه نېټه یا د بیرغ نړیواله ورځ، د یو لړ ځانګړو مراسمو په ترڅ کې ولمانځله.
د مخابراتو او معلوماتي ټیکنالوژۍ سرپرست وزیر، محمد فهیم. . .

بېرته خبرونه ته