د معلوماتي ټکنالوژۍ د نوښتونو د ملاتړ په موخه د پرمختللي لابراتوار پرانیسته
د مخابراتو او معلوماتي ټکنالوژۍ وزارت د څېړنې او پراختیا معلوماتی تکنالوژی عمومي ریاست له لوري د نوښتونو د ملاتړ او همکارۍ په موخه پرمختللی او مجهز لابراتوار ګټې اخیستنې ته وسپارل شو، چې له مخې به یې د هېواد په کچه ګڼ هغه نوښتګر ځوانان چې د ټکنالوژۍ په برخه کې نوې او ابتکاري نظریې لري، وکولای شي خپلې طرحې او پروژې په عملي بڼه پلې او لا پراختیا ورکړي.
دغه لابراتوار به د نوښتګرو ځوانانو، څېړونکو او محصلینو لپاره د څېړنې، تجربې، نوښت او علمي همکاریو مناسب چاپېریال برابر کړي او له هغوی سره به د خپلو ابتکاري نظریو د عملي کولو په برخه کې لازمې آسانتیاوې او تخنیکي ملاتړ شریک کړي.
