په ۱۳۹۷ کال کې د افغانستان سایبري چټک غبرګون ټیم (AFCERT) لاسته ړاونی او فعالیتونه

Alireza Khaliqyar
چهارشنبه ۱۳۹۸/۳/۱ - ۱۳:۶

https://mcit.gov.af/index.php/ps/%D9%BE%D9%87-%DB%B1%DB%B3%DB%B9%DB%B7-%DA%A9%D8%A7%D9%84-%DA%A9%DB%90-%D8%AF-%D8%A7%D9%81%D8%BA%D8%A7%D9%86%D8%B3%D8%AA%D8%A7%D9%86-%D8%B3%D8%A7%DB%8C%D8%A8%D8%B1%D9%8A-%DA%86%D9%BC%DA%A9-%D8%BA%D8%A8%D8%B1%DA%AB%D9%88%D9%86-%D9%BC%DB%8C%D9%85-afcert-%D9%84%D8%A7%D8%B3%D8%AA%D9%87-%DA%93%D8%A7%D9%88%D9%86%DB%8C-%D8%A7%D9%88-%D9%81%D8%B9%D8%A7%D9%84%DB%8C%D8%AA%D9%88%D9%86%D9%87

د افغانستان سایبري چټک غبرګون ټیم (AFCERT) د تېر کال په ترڅ کې، د نویو او د نړیوالو معیارونو مطابق تجهیزاتو له ترلاسه کولو سره توانیدلی چې د الکترونیکي – سایبري جرمونو په ډګر کې د پخوا په پرتله لا زیات، فعالیتونه ترسره کړي.
په همدې موخه په لنډ ډول باید وویل شي چې د افغانستان سایبري چټک غبرګون ټيم، د کمپوټري او سایبري – الکترونیکي پیښو څيړلو د یوازینۍ سرچینې په توګه، د تخنیکي چارو په استفادې سره، په لاندې برخو کې هم د عملیاتي چارو مسئولیت په غاړه لري.
- د وزارتخانو او نورو دولتي ادارو الکترونیکی – کمپیوټري سیستمونو د امنیت ټينګښت او همداراز د یادو سیستمونو پلټنه، کشف، کمزورو او آسیب لرونکو ټکو پیژندګلوي.
- د سایبري – کمپوټري - الکترونیکي قوانینو، مقرراتو، ستراتیژیو، طرزالعملونو او پالیسیو طرحو رامنځته کول.
- د کمپیوټري سیستمونو د امنیت د ټينګښت په موخه د عامه پوهاوي پروګرامونو ترسره کول او همداراز د هیواد سایبري فضا په کچه د سایبري – کمپیوټري پیښو په اړه راپور ورکونه.
په همدې موخه د هیواد په کچه د الکترونیکي – کمپیوټري – سایبري پیښو څرنګوالي، د الکترونیکي – کمپیوټري – سایبري جرمونو د مبارزې او مخنیوي په اړه د لازیاتو معلوماتو ورکولو په موخه، د (AFCERT) په وسیله د سایبري پیښو لنډ چارت جوړ شوی او هغه موضوعات به را برسیره کړي چې څرنګه توانیدلي د هیواد په کچه د روان کال په ترڅ کې د الکترونیکي – کمپیوټري – سایبري سرغړاوونو کچه را ټیټه کړي.