ننګرهار ولایت کې غیر قانوني سیمکارټونه ونیول شول
د ننګرهار ولایت جلال آباد ښار کې د غیر قانوني مخابراتي خدمتونو د مخنیوي په موخه، د ننګرهار ولایت د مخابراتو ریاست له لوري د غیر قانوني مخابراتي خدمتونو په موخه د څار په نتیجه کې یو شمېر غیر قانوني سیمکارټونه ونیول شول.
دغه سیمکارټونه چې ټولټال ۶۴ دانې و په یوه دوکان کې ځای پر ځای شوي او د مخابراتو او معلوماتي ټکنالوجۍ ریاست له لوري د څار په نتیجه کې ضبط او دوکان هم مهر لاک کړای شو.
د مخابراتو او معلوماتي ټکنالوجۍ وزارت ولایتي ریاستونه وخت په وخت ټولو ولایتونو کې د غیرقانوني مخابراتي خدمتونو د مخنیوي په موخه څارنه ترسره کوي او هیڅ چا ته اجازه نه ورکوي چې د مخابراتو او معلوماتي ټکنالوجۍ وزارت اړوند د طرزالعملونو او اصولو خلاف کړنې ترسره کړي.
