له مخابراتو او معلوماتي ټکنالوجۍ وزارت سره د چین سفارت د همکاریو ژمنې!

enayat_admin
پنجشنبه ۱۳۹۸/۱۲/۱ - ۱۱:۴۹

https://mcit.gov.af/ps/%D9%84%D9%87-%D9%85%D8%AE%D8%A7%D8%A8%D8%B1%D8%A7%D8%AA%D9%88-%D8%A7%D9%88-%D9%85%D8%B9%D9%84%D9%88%D9%85%D8%A7%D8%AA%D9%8A-%D9%BC%DA%A9%D9%86%D8%A7%D9%84%D9%88%D8%AC%DB%8D-%D9%88%D8%B2%D8%A7%D8%B1%D8%AA-%D8%B3%D8%B1%D9%87-%D8%AF-%DA%86%DB%8C%D9%86-%D8%B3%D9%81%D8%A7%D8%B1%D8%AA-%D8%AF-%D9%87%D9%85%DA%A9%D8%A7%D8%B1%DB%8C%D9%88-%DA%98%D9%85%D9%86%DB%90

چهارشنبه د روان ۱۳۹۸ کال د سلواغې میاشتې دېرشمه نېټه، د مخابراتو او معلوماتي ټکنالوجۍ سرپرست وزیر محمد فهیم هاشمي په خپل کاري دفتر کې د چین له سفیر (وانګ یو) سره وکتل.
په دغه ناسته کې دواړو لوریو پر بېلابېلو موضوعاتو  لکه، د واخان بندر دهلېز، بنډویټ، نوري فایبر، برېښنايي سوداګرۍ یا  (e-Trade)، e-commerce، مخابراتي وسایلو، د دولتي مخابراتي شرکتونو پر کیفیت لوړونې او افغانستان کې د چین هیواد پر فعالو کمپنیو خبرې وکړې.

د ښاغلي وانګ یو په وینا، په افغانستان کې باید د چین هیواد ISP یا د انټرنیټي خدمتونو وړاندې کونکې شرکتونه پانګونه وکړي، ځکه په وینا یې دلته د مخابراتو وزارت له خوا ورته ښې زمینې برابرې شوې، چې باید ترې ګټه واخلي.
په دغه ناسته کې ښاغلي هاشمي د چین له سفیر څخه د مننې تر څنګ وویل: «مونږ په مخابراتي برخه کې په مناسبه بیه د چین هیواد له لوړ کیفیت لرونکو معتبرو انټرنیټي شرکتونو څخه هر راز ملاتړ ته چمتو یو.
د ناستې په پای کې په افغانستان کې د چین هیواد سفیر، د مخابراتو او معلوماتي ټکنالوژۍ وزارت له مشرتابه سره په مخابراتي برخه کې د هر اړخیز ملاتړ ژمنه وکړه.