د آذربايجان ASAN Xidmat پخواني مشر او د کرنې اوسني وزیر سره لیدنه

Alireza Khaliqyar
پنجشنبه ۱۳۹۷/۹/۱۵ - ۱۳:۴۰

https://mcit.gov.af/ps/%D8%AF-%D8%A2%D8%B0%D8%B1%D8%A8%D8%A7%D9%8A%D8%AC%D8%A7%D9%86-asan-xidmat-%D9%BE%D8%AE%D9%88%D8%A7%D9%86%D9%8A-%D9%85%D8%B4%D8%B1-%D8%A7%D9%88-%D8%AF-%DA%A9%D8%B1%D9%86%DB%90-%D8%A7%D9%88%D8%B3%D9%86%D9%8A-%D9%88%D8%B2%DB%8C%D8%B1-%D8%B3%D8%B1%D9%87-%D9%84%DB%8C%D8%AF%D9%86%D9%87

د مخابراتو او معلوماتي ټکنالوجۍ وزیر محترم شهزاد آريوبي، د آذربایجان د عامه خدماتو او ټولنيزو نواوريو د دولتي ادارې پخواني مشر او د کرنې اوسني وزیر محترم انعام کریموف سره په داسې حال کې دوستانه لیدنه وکړه چې په آذربایجان کې د افغانستان سفیر يې ملتيا کوله.

په دغه ناسته کې دواړو وزیرانو د افغانستان او آذربایجان د کرنې وزارتونو تر منځ د همکاريو پر دوام او په کرنيزو چارو کې د ټکنالوجۍ د کارونې په اړه خبرې وکړي.

محترم کریموف د کرنې په برخه کې د ټکنالوجۍ څخه د ګټې اخیستنې لپاره نوې طرحې لري او ډاډ يې را کړ چې د افغانستان د کرنې او مالدارۍ وزارت سره به د خپلو طرحو په شریکولو کې درېغ ونه کړي.

د ويلو ده چې د افغانستان د کورنيو محصولاتو او تولیداتو د ترويج په موخه محترم شهزاد آريوبي ښاغلي کریموف ته د افغانستان زعفران او جلغوزي د ډالۍ په توګه وړاندې کړل.