۳۸ تنو د کمپیوټر شپږ میاشتنیو زده کړو له بشپړولو وروسته د فراغت سندونه ترلاسه کړل

Author image
Alireza Khaliqyar
یکشنبه ۱۳۹۸/۲/۱۵ - ۱۰:۵۰
۳۸ تنو د کمپیوټر شپږ میاشتنیو زده کړو له بشپړولو وروسته د فراغت سندونه ترلاسه کړل

۱۳۹۸.۲.۱۵
په دې موخه په جوړه شوې ناسته کې د پکتیا ولایت مرستیال والي الحاج عبدالولي سهي، د پکتیا ولایتي شورا وکیل محمد رحمان قادري، د علماوو شورا رییس خواجه الدین حقبیان، د ولایتي ادارې یو شمېر رییسانو، د مخابراتي شبکو استازو، مدني فعالانو او خبریالانو ګډون کړی و.
د پکتیا ولایت د مخابراتو او معلوماتي تکنالوجۍ رئیس عبدالله توتاخیل نن د دغې ناستې په ترڅ کې د تېر یوه کال کاري راپور او د ۱۳۹۸ کال پلان په اړه مالومات هم وړاندې کړل.
عبدالله توتاخېل وویل چې په ۱۳۹۷ ل. ل کال کې د پکتیا ولایت مرکز ګردېز او ولسوالیو کې د بېلابېلو ۱۹ نوي سایټونه فعال شوي؛ د افغان ټیلیکام د زون دفتر پکتیا ته راوړل شوی او د غیر قانوني سیم کارټونو د پلور مخنیوي د کمپاین په ترڅ کې د ۳۰۰۰ په شاوخوا کې سېمکارټونه نیول شوي دي. نوموړي وویل چې په تېر یوه کال کې د مخابراتو ریاست تقریبا ۹۸ سلنه بودیجه مصرف کړې او همدا راز یې ۸۶ کسانو ته د کمپیوټر زده کړو زمینه برابره کړې ده. د مخابراتو رییس همدا راز وویل چې په تېر یوه کال کې یې د ریاست ټولې چارې برېښنایي کړې دي او د کارکوونکو د ظرفیت لوړونې تر څنګ یې په کاري چاپېریال کې د مثبت بدلون په موخه هم هڅې کړې دي. نوموړي زیاته کړه چې په تېر یوه کال کې یې د مخابراتو ریاست لخوا د پاسپورټونو د چټکې توضېع لړۍ پیل او تر دې دمه یې سلګونه پاسپورټونه په پوره روڼتیا سره وېشلي دي.
توتاخېل وویل چې په ۱۳۹۸ کال به هم په مرکز او ولسوالیو کې زیات شمېر نوي مخابراتي سایټونو فعاله کړي او په ۱۱ ولسوالیو کې به 3G خدمات فعاله کړي.
مرستیال والي الحاج عبدالولي سهي او نورو ویناوالو د کمپیوټر زده کړو فارغینو ته د مبارکۍ ویلو تر څنګ د کمپیوټر په برخه کې کورسونه د ځوانانو د روزنې په برخه کې ګټور یاد کړل، او د مخابراتو ریاست کلنۍ کړنې یې مثبتې وارزولې. دوی په خپلو خبرو کې وویل چې د ګزارش ورکوونې اصل باید په ټولو ادارو کې پلی شي چې دغه چاره به په اداري کارونو کې د روڼتیا رامنځته کولو او پر ادارو د ولسي باور له پیاوړتیا سره مرسته وکړي.
د غونډې په پای کې په د یاد ریاست څلور تنه کارمندان د ښو خدماتو له امله د مخابراتو او مالوماتي ټېکنالوژۍ لخوا په ستاینلیکونو ونازول شول او د کمپیوټر د شپږ میاشتینیو زده کړو بشپړونکو ۳۸ تنو زده کوونکو ته سرټفکیټونه ورکړل شول.

تازه خبرونه

سه‌شنبه ۱۳۹۸/۵/۸ - ۱۴:۳۳
Background image

په بلخ کې د مخابراتي ننګونو د حل لپاره هڅې روانې دي.

د مخابراتو او معلوماتي ټکنالوجۍ  وزارت سرپرست ښاغلی محمد فهیم هاشمي د مخابراتي شبکو له مسئولینو سره په ناسته کې له هغوی وغوښتل چې په بلخ ولایت کې د مخابراتي شبکو د بندیدو مسله ژر تر ژره. . .

دوشنبه ۱۳۹۸/۵/۷ - ۱۲:۳
Background image

په مخابراتو او معلوماتي ټیکنالوژۍ وزارت کې، د بیرغ ملي ورځ ولمانځل شوه.

د دغه وزارت مشرتابه او کارکوونکو، نن دوشنبه د زمري اوومه نېټه یا د بیرغ نړیواله ورځ، د یو لړ ځانګړو مراسمو په ترڅ کې ولمانځله.
د مخابراتو او معلوماتي ټیکنالوژۍ سرپرست وزیر، محمد فهیم. . .

سه‌شنبه ۱۳۹۸/۵/۱ - ۱۵:۱
Background image

په بلخ کې د سلام شبکې رئیس ساتونکو له خوا د صدای افغان آوا خبريالانو د توهين په اړه د مخابراتو او معلوماتي ټکنالوجۍ وزیر سپارښتنه

کابل- افغانستان( د مخابراتو او معلوماتي ټکنالوجۍ وزارت مطبوعاتي دفتر)
تأریخ: 1/ 5/ 1398

د مخابراتو او معلوماتي ټکنالوجۍ وزارت سرپرست محترم محمد فهیم هاشمي په بلخ کې د سلام شبکې د رئیس. . .

بېرته خبرونه ته