په کابل ښار کې، د انټرنیټ او ټلیفوني خدمتونو د ارزونې لړۍ پیل شوه:

enayat_admin
چهارشنبه ۱۳۹۹/۳/۲۸ - ۱۰:۲۳

https://mcit.gov.af/ps/%D9%BE%D9%87-%DA%A9%D8%A7%D8%A8%D9%84-%DA%9A%D8%A7%D8%B1-%DA%A9%DB%90%D8%8C-%D8%AF-%D8%A7%D9%86%D9%BC%D8%B1%D9%86%DB%8C%D9%BC-%D8%A7%D9%88-%D9%BC%D9%84%DB%8C%D9%81%D9%88%D9%86%D9%8A-%D8%AE%D8%AF%D9%85%D8%AA%D9%88%D9%86%D9%88-%D8%AF-%D8%A7%D8%B1%D8%B2%D9%88%D9%86%DB%90-%D9%84%DA%93%DB%8D-%D9%BE%DB%8C%D9%84-%D8%B4%D9%88%D9%87

د مخابراتو ساینس او معلوماتي ټکنالوژۍ وزارت مشرتابه، تېره ورځ د کابل ښار په بېلابېلو سیمو کې د سلام مخابراتي شرکت انټرنیټ او ټلیفوني خدمتونو د ارزونې لړۍ پیل کړه.
د مخابراتو، ساینس او معلوماتي ټکنالوژۍ سرپرست وزیر محمد فهیم هاشمي، تېره ورځ د سلام شرکت مسوولینو او (اترا چیرته ده) څارونکې ټیم په ګډون په کابل ښار کې د مخابراتي او انټرنیټي کیفیتونو د ارزونې لړۍ له سلام او افغان ټلیکام مخابراتي شرکتونو څخه را پیل کړه.

د ارزونې په لړ کې، ښاغلي هاشمي د خبریالانو پر وړاندې ژمنه وکړه، چې په کابل او نورو ولایاتو کې به د سلام مخابراتي شرکت د کیفیت لوړونې په برخه کې له هیڅ راز هڅو و نه سپموي.
د وزارت مشرتابه په دې باور دی، چې په ټوله کې د مخابراتي او انټرنیټي کیفیتونو لوړونې اغېزمنه لاره، په بنسټیز ډول د وسایلو نوي کول او ظرفیتونو لوړولو له لارې شونې ده، چې په وینا یې سلام مخابراتي شرکت په دې برخه کي پام وړ پرمختګونه تجربه کړل.
د ښاغلي هاشمي په وینا، راتلونکی کال به سلام مخابراتي شرکت د شاوخوا ۷۰ میلیونه ډالرو پانګونې پر مټ، د هېواد له مخکښو او پرمختللو مخابراتي شرکتونو څخه وي.
د یادونې وړ ده، چې په دې وروستیو کې د سلام مخابراتي شرکت د کمزوري انټرنیټي کیفیت له امله دغه شرکت د مخابراتو او معلوماتي ټکنالوژۍ وزارت مشرتابه په لارښوونه د کابل ښار په ځینو سیمو کې خپل 4G خدمتونه پیل کړل.
هېره دې نه وي، چې د مخابراتي او انټرنیټي کیفیت ارزونې لړۍ به لا هم دوام لري.