په مخابراتو وزارت کې د اساسي قانون د تصویب ۱۵ مه کلیزه ولمانځل شوه

Alireza Khaliqyar
سه‌شنبه ۱۳۹۷/۱۰/۱۸ - ۱۶:۴۵

https://mcit.gov.af/ps/%D9%BE%D9%87-%D9%85%D8%AE%D8%A7%D8%A8%D8%B1%D8%A7%D8%AA%D9%88-%D9%88%D8%B2%D8%A7%D8%B1%D8%AA-%DA%A9%DB%90-%D8%AF-%D8%A7%D8%B3%D8%A7%D8%B3%D9%8A-%D9%82%D8%A7%D9%86%D9%88%D9%86-%D8%AF-%D8%AA%D8%B5%D9%88%DB%8C%D8%A8-%DB%B1%DB%B5-%D9%85%D9%87-%DA%A9%D9%84%DB%8C%D8%B2%D9%87-%D9%88%D9%84%D9%85%D8%A7%D9%86%DA%81%D9%84-%D8%B4%D9%88%D9%87

د مخابراتو او معلوماتي ټکنالوجۍ وزیر محترم شهزاد آريوبي نن د مخابراتو او معلوماتی ټکنالوجۍ وزارت مشرتابه او کارکوونکو سره یو ځای د افغانستان د اساسي قانون د تصویب ۱۵ مه کلیزه ونمانځله.
اساسي قانون د هېواد ټولو وګړو لپاره ملي وثیقه ده او ټول یې په تعقیبولو مکلف دي.
محترم آريوبي په خپله وینا کې د ناستې ټولو ګډونوالو او د مخابراتو او معلوماتي ټکنالوجۍ وزارت کار کوونکو ته د اساسي قانون د تصویب د ۱۵ کلیزې مبارکۍ وویله او د وزارت د مقرراتو او لواېحو په تطبیق مو ټېنګار وکړ.
د مخابراتو او معلوماتي ټکنالوجۍ وزارت د مخابراتو په چارو کې د قانون تطبیق ته ژمن دی او د قانون سره سم خپلې چارې پر مخ بیایي.
د مخابراتو او معلوماتي ټکنالوجۍ وزارت د ICT سکټور پالیسي جوړونکی وزارت دی خپل ټول کارکوونکو مکلف بولي چې د پالیسیو او استراتیژیو په جوړیدو او طرح کې د اساسي قانون ټول مواد په نظر کی ونیسي.