په حقوقي چارو کې د ولسمشر ستر سلاکار د مخابراتو او معلوماتي ټکنالوجۍ سرپرست او نومانده وزیرې سره لیدنه وکړه
د وږي میاشتې ۳۱ مه نیټه
د ولسمشرۍ عالي مقام په حقوقي چارو کې ستر سلاکار ښاغلي کبیر خان عیسی خیل او ورسره مل پلاوي د مخابراتو او معلوماتي ټکنالوجۍ سرپرست او نوماندي وزیرې آغلې معصومه خاوري سره وکتل او د ولسمشر د وروستي فرمان د پلي کیدو څرنګوالي په اړه بحث او خبرې وکړې.
د افغان ټلیکام مخابراتي شرکت د مالي، اداري او تخنیکي ارزونې په اړه د دې حکم د پلي کولو لپاره، د ولسمشرۍ د چارو د لوی ریاست، د افغان ټلیکام مخابراتي شرکت او د مخابراتو او معلوماتي ټکنالوجۍ وزارت استازو په ګډون یوه کمیټه جوړه شوه چې د حکم د تطبیق په اړه یې لازمي پریکړې وکړې.
