په افغانستان کې د MTN شرکت د نوي اجرائيه رئیس سره لیدنه
دوشنبه ۱۳۹۷/۱۰/۱۷ - ۱۳:۴۹
د مخابراتو او معلوماتي ټکنالوجۍ وزیر محترم شهزاد آريوبي نن په خپل کاري دفتر کې په افغانستان کې د MTN مخابراتي شرکت د نوي اجرائيه رئیس محترم عباد رضا او همکارانو سره يې ولیدل.
په دې لیدنه کې محترم آريوبي ښاغلي عباد رضا ته د ښه راغلاست تر څنګ په افغانستان کې ددغه شرکت د فعالیتونو او نويو پروګرامونو له کبله مننه وکړه او ددغه شرکت د مخابراتي خدماتو د پراختيا، د مخابراتي او انټرنيټي خدماتو د کېفيت په اړه يې هر اړخيزې خبرې وکړې.
محترم شهزاد آريوبي همدا شان د MTN مخابراتي شرکت د خدماتو کېفيت په اړه د خلکو ستونزې شريکې کړې، ددغه شرکت مسؤولينو ژمنه وکړه چې د تېر په څېر غوره خدماتو او فعالیتونو ته ژمن دي او د خپلو خدماتو لپاره يې پراختيايي پلان په نظر کې نيولی چې د غوره مخابراتي خدماتو تر څنګ د انټرنيټي خدماتو په برخه کې هم په عصري ټکنالوجۍ سمبال خدمات وړاندې کړي.
