ولسمشرغني: زمونږ اقتصاد باید دیجیټلي شي
یکشنبه ۱۳۹۸/۱۰/۱ - ۱۲:۹
د هیواد ولسمشر شنبه ماښام، د ۱۳۹۸ کال لېندۍ میاشتې دېرشمه نېټه د هېواد ټکنالوژۍ پنځلسم کنفرانس له ګډونوالو سره ولیدل.
ولسمشر غني په غونډه کې کې ګډونوالو ته، د راتلونکې کال ملي بودیجه کې معلوماتي ټکنالوژۍ ته د یوه ملي پروګرام پر جوړېدو د ټینګار تر څنګ زیاته کړه: «مونږ د هیواد اوبو مهارولو ته یوه رڼه تګلاره لرو، چې باید په ډیجیټلي ډول مدیریت شي»
وروسته په غونډه کې د مخابراتو او معلوماتي ټکنالوژۍ سرپرست وزیر محمد فهیم هاشمي، د ټکنالوژۍ پالیسي په اړه خبرې وکړې او زیاته یې کړه: «د ولسمشر د لارښوونو پر اساس مو بېلابېلې نمونې مطالعه کړي دي او مونږ هڅه کوو د ټکنالوژۍ پرمټ د ژوند په ټولو اړخونو کې بدلون راولو.»
نوموړي زیاته کړه، تر ټولو مهمه موضوع چې باید کار پرې وشي ډیجیټلي اقتصاد دی، مونږ باید له خپلو مالوماتو ګټه واخلو او د معلوماتو له ارزښته بې برخې پاتې نشو.
