ننګرهار ولایت د مخابراتو او معلوماتي تکنالوجۍ ریاست او د تخنیکی او مسلکی انستیتوت تر منځ د همکارۍ هوکړه لیک لاسلیک شو
![امضای تفاهم نامه](/sites/default/files/2024-04/420425275_817944723704214_635432519868407566_n.jpg)
ننګرهار ولایت د مخابراتو او معلوماتي ټکنالوجۍ ریاست او د یاد ولایت د تخنیکی او مسلکی انستیتوت تر منځ د محصلینو د عملي زده کړو لپاره د مناسب چاپېریال رامنځته کولو، د همکارۍ د فرهنګ د ودې، زده کوونکو ته د علمي او تخصصي تجربو د لېږد او د دواړو خواوو له اسانتیاوو او ظرفیتونو څخه د استفادې په موخه د همکارۍ هوکړه لیک لاسلیک شو.
ننګرهار ولایت د مخابراتو او معلوماتي ټکنالوجۍ ریاست یاد هوکړه لیک د محصلینو د وړتیاوو لوړولو لپاره ګټور وباله او د یاد ولایت د تخنیکی او مسلکی انستیتوت له ادارې سره یې د خپلې څانګې د همکارۍ او د ملاتړ ډاډ ورکړ.