محمد فهیم هاشمي: د انټرنیټ بیې باید راکمې شي!

enayat_admin
چهارشنبه ۱۳۹۸/۱۱/۹ - ۵:۰

https://mcit.gov.af/ps/%D9%85%D8%AD%D9%85%D8%AF-%D9%81%D9%87%DB%8C%D9%85-%D9%87%D8%A7%D8%B4%D9%85%D9%8A-%D8%AF-%D8%A7%D9%86%D9%BC%D8%B1%D9%86%DB%8C%D9%BC-%D8%A8%DB%8C%DB%90-%D8%A8%D8%A7%DB%8C%D8%AF-%D8%B1%D8%A7%DA%A9%D9%85%DB%90-%D8%B4%D9%8A

د مخابراتو او معلوماتي ټکنالوژۍ سرپرست وزیر محمد فهیم هاشمي، چهارشنبه د ۱۳۹۸ کال د سلواغې میاشتې نهمه نېټه د اترا ادارې له تخنیکي مرستیال انجنیر نقیب الله سېلاب، افغان ټلیکام او مخابراتي شرکتونو له استازو سره په لیدنه کې، د انټرنیټ بیوو پر راکمولو ټینګار وکړ.
په دغه ناسته کې ښاغلي هاشمي زیاته کړه، له ولسمشر غني سره د کابل استازو په وروستۍ لیدنه کې د ولسمشر د لارښوونې پر اساس مخابراتي شرکتونه اړ دي، چې په دې برخه کې جدي ګام اوچت کړي.
د نوموړي په وینا: «افغان تلیکام مخابراتي شرکت په عمده بیو کې تر دېرش سلنه کموالی راولي، چې له مخې یې خصوصي شرکتونه هم اړ دي، څو په کمه بیه لوړ کیفیت لرونکي انټرنیټ خدمتونه وړاندي کړي.»
په دغه ناسته کې، د مخابراتي شرکتونو استازو هم ټینګار وکړ: «د هیواد په نا امنو سیمو کې امنیتي ستونزې هغه ننګونه ده، چې له امله یې د انټرنیټ بیې او کیفیت اغېزمن شوي.»
د هغوئ په وینا، له دې ناخوالو سربېره د افغان تلیکام انټرنیټ له عمده بییو راکمولو سره چمتو دي، چې په هیواد کې د انټرنیټ بیې راکمې او د ولسمشرۍ ماڼۍ له لارښوونې پیروي وکړي.